O Premio Nobel ye un conchunto de premios que s'atorgan cada anyo a personas con investigacions d'importancia, u con inventos destacaus u d'atros tipos de contribucions a la sociedat. Qui establió istos premios estió Alfred Nobel, un inventor y interpreesario sueco, en o suyo testamento. Nobel firmó lo suyo testamento en o Club Sueco-Noruego de París o 27 de noviembre de 1895, cuan estió conscient d'a importancia d'o suyo invento prencipal, a dinamita, en a guerra moderna, cosa que yera l'alacet d'a suya fortuna.
A primera ceremonia d'entrega d'os premios estió en 1901, y se celebran actualment en Estocolmo (Suecia), encara que a ceremonia d'o Premio Nobel d'a Paz se fa en Oslo (Noruega).
Os Premios Nobel son: Premio Nobel de Fisica. A decisión d'o galardonau ye de la Reyal Academia de Ciencias de Suecia. Premio Nobel de Quimica. Tamién prene la decisión a Reyal Academia de Ciencias de Suecia. Premio Nobel de Fisiolochía u Medicina. O premiau ye esleyiu por o Karolinska Institutet d'Estocolmo. Premio Nobel de Literatura. Qui decide lo premiau ye l'Academia de Suecia. Premio Nobel d'a Paz. Ye esleyiu por un comité d'o Parlamento de Noruega. Premio Nobel d'Economía. Decide lo Banco de Suecia.
Sindembargo, tecnicament o Premio d'Economía no ye un Premio Nobel, en no estar previsto en o testamento de Nobel. Fue instituyiu en 1968, y dende 1995 no ye nomás que un premio ta lo campo d'a Economía, so que incluye tamién atras Ciencias Socials, como as Ciencias Politicas, a Psicolochía u la Sociolochía. A familia d'Alfred Nobel no reconoix iste premio como un Premio Nobel.
As matematicas no estan recompesadas con garra Premio Nobel y no estan incluyidas en garra d'as categorias.
Vinclos externos
Fundación Nobel. Instituto Nobel Noruego (Nobel d'a Paz).
*