Os coleopteros (cientificament Coleoptera, en latín) son una d'as prencipals órdens en a clase d'os insectos, con cuasi 350.000 especies descritas. Se tracta d'o taxón con mes especies incluitas de tot o reino Animalia, seguito per os lepidopteros (paixarelas y palometas), himenopteros (fornigas, vespas, abellas, etc) y dipteros (moscas, mosquitos y tabans). A orden d'os coleopteros tiene tantas especies como tot o reino d'os fongos, u d'as plantas vasculars; ixo ye, como decir que fa 90 vegatas o numero d'especies descritas de mamiferos.
En luenga aragonesa, os coleopteros se gosan conoixer como escarabachosCon variants foneticas como escaraballo, escarbacho, escarbajo, esgarabacho, cucarabacho, escarabaixo u mesmo escarabato.. R. Vidaller. Libro d'as Matas y os Animals. Dicionario Aragonés d'Especies Animals y Bechetals. Consejo de protección de la naturaleza de Aragón. Zaragoza. . 395 pp (d'o latín vulgar < scarabaeus) Santiago Bal Palacios:Vocabulario dialectal del habla de Maella (Aragón), Gubierno d'Aragón, 2000, , p.108 A presencia d'a palatal africada ch en ista parola se crei que ye por cruce con a parola "cucaracho".
Os coleopteros presentan una gran diversidat morfolochica. Se troba escarabachos en cualsiquier habitat, mesmo en ambients acuaticos d'augua dolza. A suya presencia en ecosistemas marinos ye minima. A mes gran parte d'as especies son consumidoras de productos vechetals, estando-ne las larvas as que gosan fer dica pestes en l'agricultura y en as selvas.
A morfolochías de toz os coleopteros comparten rasgos comuns: Toz os escarabachos tienen o primer par d'alas ancestrals d'os insectos modificatas y enduritas dica formar dos escudos, ditos "elitros", que no sirven sique ta cubillar y guardar o segundo par d'alas que ye lo funcional. As alas, en reposo, se troban plegatas debaixo d'os elitros y s'han d'obrir y esplegar ta que l'animal pueda alzar-se en volito. A mes gran parte d'as formas adultas d'os escarabachos saben volar, pero no gosan tener a capacidat d'altros grupos d'insectos ta manullar-se-ie, como fan as moscas y apellas, y muitas especies no el fan si no ye de tot imprescindible.
Imáchens
Notas
Referencias
Vinclos externos
*