A fabera u beturracio () ye una especie de plantas d'o chenero Vicia y familia d'as Fabaceae, a qui dan o suyo nombre. Ye una especie anyal y herbacia, orichinaria d'as rechions d'a mar Mediterrania u d'Asia Central, y hue ye cultivata en tot o mundo porque as suyas simients, que fan parte d'as legumbres, s'emplegan como alimento d'animals y d'hombres. A variedat Vicia faba var. equina se conoixe como fabonera.
Ye una planta que puet plegar dica os 1,5-1,6 metros d'altaria, y a suya color ye verde.
Fitonimia O fitonimo faba ye d'orichen latín José María Enguita Utrilla:Un vocabulario agrícola turiasonense de 1382, Turiaso n°8, 1989, ISSN 0211-7207, p.139-178 y ye documentable en todas as parlas alto-aragonesas por conservar a F- inicial latina d'acuerdo con a fonetica aragonesa. Se fa servir tamién pa fer mención d'o glan u part final d'o pene metaforicament. Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 183.
Bi ha refrans y expresions sobre as fabas: Si quiers fabas muitas, sembrarás ta sant Lucas. Resurrección María de Azkue: Replega de domenallas e mazadas populars d'Echo.
Vinclos externos
Referencias
Faba