Fred Zinnemann (nombre artistico d'Alfred Zinnemann), naixiu de Rzeszów (Imperio Austrohongaro, hue Polonia) o 29 d'abril de 1907 y muerto en Londres (Reino Uniu) o 14 de marzo de 1997 por un infarto de miocardio, estió un director, productor cinematografico y guionista estausunidense d'orichen austriaco, con cuantos premios recibius mientres a suya carrera cinematografica en o cine estausunidense. Ye lo pai d'o director cinematografico y director de fotografía Tim Zinnemann.
D'entre la suya filmografía como director, pueden mencionar-se bellas cintas, como Eyes in the Night (1942, con Edward Arnold, Ann Harding y Donna Reed), Act of Violence (1949, con Van Heflin, Robert Ryan y Janet Leigh), High Noon (1952, con Gary Cooper, Thomas Mitchell, Lloyd Bridges y Katy Jurado), From Here to Eternity (1953, con Burt Lancaster, Montgomery Clift, Deborah Kerr, Donna Reed y Frank Sinatra), The Nun's Story (1959, con Audrey Hepburn, Peter Finch, Edith Evans, Peggy Ashcroft y Dean Jagger), A Man for All Seasons (1966, con Paul Scofield, Wendy Hiller, Leo McKern, Orson Welles, Robert Shaw y Susannah York), u The Day of the Jackal (1973, con Edward Fox, Alan Badel, Tony Britton, Cyril Cusack, Derek Jacobi, Michael Lonsdale, Eric Porter y Delphine Seyrig).
Premios Premios Oscar En l'anyo 1949, mientres a 21ena edición d'os Premios Oscar, recibió una nominación a lo Premio Oscar a lo Millor Director, por a cinta The Search. Tornó a recibir una segunda nominación en a 25ena edición d'os Oscars (1953), ista vegada por a cinta High Noon.
En 1954, en a 25ena edición d'os premios, ganó lo suyo primer Oscar como director, por a cinta From Here to Eternity.
L'anyo 1960, en a 32ena edición d'os Oscar, recibió la suya tercera nominación a l'Oscar a lo Millor Director, por The Nun's Story; recebindo la suya cuarta nominación a l'anyo siguient, 1961, en a suya 33ena edición, por a cinta The Sundowners.
Ganó lo suyo segundo Oscar a lo Millor Director en a suya 39ena edición (1967) por a cinta A Man for All Seasons.
Encara tornó a estar-ne nominau por cinquena vegada l'anyo 1978, en a 50ena edición d'os Oscar, ista vegada por a cinta Julia.
Premios BAFTA Tamién fue nominau a lo Premio BAFTA a lo Millor Director, l'anyo 1974 (27ena edición d'os Premios BAFTA), por a cinta The Day of the Jackal; y l'anyo 1979 (32ena edición d'os Premios BAFTA), por a cinta Julia.
Igualment, recibió un Premio BAFTA d'Honor en 1978, en a 31ena edición d'os Premios BAFTA.
Premios Globos d'Oro Ganó dos vegadas o Premio Globo d'Oro a lo Millor Director: en 1954 (11ena edición d'os Premios Globos d'Oro) por From Here to Eternity y en 1967 (24ena edición) por A Man for All Seasons.
D'atra man, fue nominau tamién cinco vegadas a iste mesmo premio: en 1958 (15ena edición) por A Hatful of Rain, en 1960 (17ena edición) por The Nun's Story, en 1961 (18ena edición) por The Sundowners, en 1974 (31ena edición) por The Day of the Jackal, y en 1978 (35ena edición) por Julia.
Filmografía Fred Zinnemann en Internet Movie Database. Director cinematografico Anyo Títol d'a cinta Productor Guionista Elenco Atros [ ''''] en Internet Movie Database.
Productor cinematografico Anyo Títol d'a cinta Director Guionista Elenco Atros [ ''''] en Internet Movie Database.
Referencias
Se veiga tamién = Cintas dirichidas por Fred Zinnemann. Cintas producidas por Fred Zinnemann.
Vinclos externos
Fred Zinnemann en Internet Movie Database.
Categoría:Alumnos d'a Universidat de Viena Categoría:Directors cinematograficos d'Estaus Unius Categoría:Escritors en anglés Categoría:Guionistas d'Estaus Unius Categoría:Muertos en Londres Categoría:Muertos por infarto de miocardio Categoría:Naixius de Rzeszów Categoría:Nominaus a lo Premio Globo d'Oro a lo Millor Director Categoría:Nominaus a lo Premio BAFTA a lo Millor Director Categoría:Nominaus a lo Premio Oscar a lo Millor Director Categoría:Premio BAFTA d'Honor Categoría:Premio Globo d'Oro a lo Millor Director Categoría:Premio Oscar a lo Millor Director Categoría:Productors cinematograficos d'Estaus Unius Categoría:1907 (naixencias) Categoría:1997 (muertes)