Iste articlo tracta sobre o crabero como denominación chenerica ta bellas especies d'aus rapinyaderas nocturnas. Ta la persona que va pastor de crabas, se veiga Pastor. thumb|right|250px|Un crabero d'a especie Asio flammeus, posau en una Barana. CraberoCon as variants craber y crapero ye una denominación popular ta cualques especies d'aus rapinyaderas nocturnas d'a orden Strigiformes, caracterizadas, de regular, por a suya mida chicorrona (inferior a babiecas y bubons) y a suya coloración criptica, marrón u parda con piquetas. Se tracta d'un termino chenerico, no especifico ta garra especie concreta, pero que conoix muito emplego en as parlas rurals de gran parte d'Aragón.
A mayoría d'especies que se gosan decir craberos son aus tuladeras, que profieren tulidos agudos de nueiz que las fan personaches habituals en o imachinario popular. Os tulidos d'os craberos son diversos, y dependen d'a especie concreta que éls faiga, pero son en toz os casos un cante bien reconoixible que se puede sentir en os arredols de zonas selvosas que ye las que, como cuasi todas as Strigiformes, millor s'estiman ta habitar.
En a cultura popular de l'Alto Aragón, os craberos son personaches que con o suyo tular introducen bella cosa de misterio u d'aire tetrico en as falordias de contar-se, motivo per lo que se's gosa mentar. En a canción As Devinetas, d'o grupo sobrarbenco La Ronda de Boltaña, se fa una alusión a iste animal en a introducción, con obchectivo tamién de dar-le un aire fusco a l'inicio d'a canción:
Bellas especies
Se veiga tamién Bubón Babieca Mochuelo Au rapinyadera
Notas
Referencias
Categoría:Strigiformes Categoría:Zoonimia