Meryl Streep (nombre artistico de Mary Louise Streep), naixida de Summit (Nueva Jersey) o 22 de chunio de 1949, ye una actriz estausunidense, que prencipó la suya carrera cinematografica en primerías d'os anyos 1970 y que ha recibiu cuantos premios por o suyo treballo, entre los que cal destacar dos Premios Oscar a la Millor Actriz y un Premio Oscar a la Millor Actriz Segundaria amás de 19 nominacion mas pa istos dos premios.
D'entre la suya abundant filmografía, se puet destacar as cintas The Deer Hunter (1978, Michael Cimino), Kramer vs. Kramer (1979, Robert Benton), Sophie's Choice (1982, Alan J. Pakula), Out of Africa (1985, Sydney Pollack), The Bridges of Madison County (1995, Clint Eastwood), Adaptation (2002, Spike Jonze) u Julie & Julia (2009, Nora Ephron).
Premios L'actriz Meryl Streep recibió dos Premios Oscar a la Millor Actriz un en 1982 por a suya interpretación de Sophie Zawistowski en a cinta Sophie's Choice, dirichida por Alan J. Pakula y unatro por a suya interpretación en a cinta The Iron Lady. Tamién recibió unatro Premio Oscar, ista vegada a la Millor Actriz Segundaria en 1979 por a cinta Kramer vs. Kramer.
En 2023 recibió tamién un Premio Prencipe d'Asturias d'as Artes.
Se veiga tamién Cintas interpretadas por Meryl Streep.
Vinclos externos
Pachina web oficial. Meryl Streep en Internet Movie Database. Meryl Streep en Internet Broadway Database. Meryl Streep en Turner Classic Movies.
Categoría:Actrices d'Estaus Unius Categoría:Naixius de Nueva Jersey Categoría:Premio Oscar a la Millor Actriz Categoría:Premio Princesa d'Asturias d'as Artes Categoría:1949 (naixencias)