A ilesia de Nuestra Sinyora de l'Asumpción de Pandicosa (Alto Galligo, Aragón) ye un edificio devantau en o sieglo XVII dencima d'una antiga construcción romanica, de ra que nomás s'alza ro penyal occidental.
Descripción A suya fabrica ye de mampostería reforzata en os contrafuertes y ánglos con piedras picatas, creyando un rotundo y compacto volumen.
O templo presenta planta de salón, ye decir, tres naus d'igual altaria, en iste caso deseparatas por delgadas columnas. A nau central ye mas ampla y se troba cubierta por vueltas de crucería estrelata con tercelez, mientres que as laterals presentan vueltas de crucería simpla. O espacio interior, rematato en cabecera poligonal, ye muit amplo y diafano.
A dentrata se fa por o muro meridional, a traviés de una simpla portalata ubierta en arco de meyo punto y protechita por un telladet volato.
En o extremo nortoccidental se debanta una torre de planta quadrata y dos cuerpos en altaria, deseparatos por una imposta, cubierta por un chapistel piramidal de pizarra d'estilo afrancesato.
Galería d'imáchens
Referencias Iste texto prene como referencia a declaración de Bien d'Intrés Cultural publicata en o BOA nº 35 de calendata 22 de marzo de 2002 y s'achusta a l'articlo 13 LPI.
Asumpción de Pandicosa Asumpción de Pandicosa Asumpción de Pandicosa Asumpción de Pandicosa Pandicosa Asumpción de Pandicosa Ilesia de Nuestra Sinyora de l'Asumpción de Pandicosa Ilesia de Nuestra Sinyora de l'Asumpción