A Seu de Funchal (en portugués Sé do Funchal) ye a seu d'a Diocesi Catolica de Funchal y se troba situata en a freguesía de Sé, en Funchal, Madeira, Portugal. Construita en zaguerías d'o sieglo XV, a Seu de Funchal ye una d'as pocas estructuras que encara se conservan intactas dende os primers tiempos d'a colonización de Madeira. L'advocación d'a seu ye Nuestra Sinyora de l'Asumpción (en portugués Nossa Senhora da Assunção. Diocesi de Funchal, pachina oficial.).
Arquitectura A seu ye d'estilo gotico y tien tres naus. O teito d'a seu tien caracteristicas inspiratas en o estilo mudéchar y ye feito de fusta. As parez exteriors son construitas con piedra procedent d'o Cabo Girão.
A seu contiene una cruz d'archent procesional, donación d'o rei Manuel I de Portugal, que ye considerata como una d'as obras mayestras feitas en metal d'o periodo manuelino en Portugal.
Una estatua d'o papa Chuan-Pavlo II se troba situata difuera, debant d'a seu, habendo-se trasladato astí dende a suya antiga ubicación en o centro d'a ciudat de Funchal chunto a o paseyo maritimo.
Historia Mientres a decada de 1490, Manuel I ninvió a l'arquitecto Pêro Anes u Gil Enes a treballar en o disenyo d'a Seu de Funchal. A seu se remató estructuralment en l'anyo 1514. Manimenos en 1508, antes de que s'hese rematato, cuan Funchal obtenió o estatus de ciudat, a seu ya s'heba emplegato ta celebrar bellas misas. O chapitel d'o campanal y atros detalles adicionals se rematoron entre os anyos 1517 y 1518.
References
Vinclos externos Diocesi de Funchal - Información sobre a Seu
Funchal Categoría:Ilesias goticas de Portugal Categoría:Ilesias mudéchars de Portugal Categoría:Molimentos de Madeira