O balaix ye una variedat d'a espinela, mineral con formula MgAl2O4, d'o grupo d'os oxidos. A suya color ye entre rosa y roya.
Etimolochía Fue muito apreciata como chema en a Edat Meya y figura en os textos medievals aragoneses y navarros como Balaix u Balax; d'alcuerdo con a ortografía actual s'ha d'escribir a primera. A palabra Balaix ye un persismo que arriba en l'aragonés y luengas romances occidentals a traviés de l'arabe y fa referencia a la rechión de "Balascia", actual Badakhxan (Afganistán).
Un eixemplo d'uso en romanz navarro lo trobamos en un texto de 1415, o inventario de choyas d'a infanta Isabel, filla d'Alionor de Trastamara y Carlos III de Navarra:
Un eixemplo d'uso en a "scripta aragonesa", l'atro estándard escrito d'o romanz navarro-aragonés lo trobamos en un texto de 1481 relacionato con choyas reyals que a corona feba servir como garantía de deudas:
En textos con influencia francesa escriben Balay y en plural Balays, como en a traducción aragonesa de "La Flor de las Ystorias d'Orient" en referencia a Badakhxan.
Y en un inventario de biens provinient de Navarra podemos leyer:
En os textos comercials d'o sieglo XV escritos en Zaragoza veyemos Ballax, y en plural Ballaxos, (ballax enguastat en or) José Ángel Sesma Muñoz, Ángeles Líbano Zumalacárregui: Léxico comercial en Aragón (Siglo XV). Institución Fernando el Católico, 1982. en un lenguache mixto aragonés y catalán por l'orichen d'os comerciants y mercaderías.
Curiosidaz A reina consort d'Aragón Chuana Enríquez, muller de Chuan II d'Aragón teneba un collar dito "de los balaxos", que habió d'entregar como garantía de pago a un acreyedor de deuda reyal.Encarnación Marín Padilla "Joyas reales como garantía de deudas de la corona de Aragón (siglo XV)", Revista Aragón en la Edad Media, XVI, 2000 p. 493
Referencias
Categoría:Oxidos (minerals)