Constantín III estió un cheneral romano que en l'anyo 407 se nombró emperador de l'Imperio Romano d'Occident en Britania y plegó a controlar gran part de Galia. Fue reconoixiu como co-emperador en l'anyo 409 por Honorio chunto con o suyo fillo Constant II. Abdicó en l'anyo 411 y fue capturau y executau.
Os soldaus de Britania proclamoron emperador a Constantín. Dimpués lo suyo exercito prenió lo control de gran part de Galia establindo la suya capital en Arlet. Pretendió incorporar a lo suyo dominio Hispania pa completar o control d'a prefectura de las Galias y ser reconoixiu como "Augusto" por HonorioMaría Victoria Escribano Paño: Los Godos en Aragón Cai100, 2000, pp20-27. en tot este gran territorio.
En Hispania topetó con a resistencia de Didimo y Verinián, terratenients de Lusitania que yeran parients d'Honorio y plegoron a organizar exercitos propios. Constantín III ninvió ta Hispania a lo suyo fillo Constant II, nombrau ya "César", acompanyau por o cheneral Cheroncio y personal civil. Didimo y Verinián fuoron redotaus y Constant II establió la suya cort en Caesaraugusta.
L'exercito de Constantín III fustigaba a los invasors sueus, vandalos y alanos que bi heba en Aquitania empentando-los enta lo sud. En a santmigalada de l'anyo 409 estos pueblos trescruzoron os Pireneus y dentroron en Hispania.
Referencias
Categoría:Emperadors romanos Categoría:411 (muertes)