thumb|Turdus merula cabrerae A mierlaCon as variants miarla y merla y en masculín mierlo y merlo u torlaCon a variant palatalizada torlla ( (L., 1758)) ye una especie d'au paseriforme d'a familia Turdidae; unas d'as millor reconoixibles d'o chenero Turdus por tener os masclos o plumache de color negra intensa y, en temporada de reproducción, Losange, Aves de España y Europa. Susaeta Ediciones. Madrid, 2012. ISBN 9788499281407 o pizco y os parpiellos amariellos u naranchas vivos. Tamién se conoixe como chorda, u tordo pardo. O masclo se conoixe como torda negra "Entre esparveros y cardelinas. Un tesoro de aves y nombres en el Alto Aragón". José Luis Cortés Montesinos. Prames. Zaragoza, 2025. Pach. 142. ..

Descripción A mierla ye un paixaro d'arredol de 25 cm de largaria y entre 75 y 120 gramos de peso, sin diferenciar-se os sexos por a mida.

Os masclos adultos destacan por as plumas negras y brillants que tienen y por tener o pizco y os parpiellos (vistables con a forma d'un disco arredol d'o uello) de color amarellisca u narancha, que reviscola en a temporada nupcial. As fembras y os chóvens son de color marrón discreta, prou lisa, anque en bel eixemplar puet presentar-se piquetas d'una tonalidat marrón una mica mas fusca y mas u menos vistables contra la resta.

Alimentación Como todas as tordas, a mierla ye omnivora pero prefiere os insectos, cucos y atros ivertebraus como limacos y caragols. Tamién mincha fruitos, como bayas y drupas que pilla entre as bardas y matullos por a on que gosa esbulligar. Eventualment tamién caza vertebraus chicorrons, como ranuecos y engardaixinas.

Habitat A mierla ye una especie de selva que s'ha adaptau a muitos atros habitats, como parques y bardas en arias urbanas, sin guaire dificultat. Necesita que i haiga buena cobertura d'árbols.

Ye una especie territorial, que defensa y marca lo suyo territorio con o cantao, de regular de maitins y en a tardada. Os masclos defensan agresivament lo territorio contra las intrusions d'atras mierlas y dica atras especies de paixaros.

Fa o niedo bien amagau entre os arbustos, as hiedras u menos vegadas en a corona d'os árbols. A cobada gosa estar feta de 5 uevos que coba la fembra.

Notas

Referencias

Se veiga tamién Torda. Charlo.

Vinclos externos

Categoría:Aus d'Aragón Categoría:Fauna d'Europa Categoría:Fauna d'Asia Categoría:Fauna d'Africa Categoría:Fauna d'os Pireneus Categoría:Taxons nombraus por Carl Linnaeus Merula