Carlos Alocén Arrondo, naixiu en Zaragoza (Comarca Central, Aragón) lo 30 d'aviento de 2000, ye un chugador profesional aragonés de basketbol. Ocupa la posición de base y chuga en o CB Gran Canaria d'a Liga ACB.
Formau en a cantera d'o Casademont Zaragoza, debutó mui choven en a Liga ACB, convertindo-se en un d'os chugadors más precoces en disputar a competición. En 2020 fichó por o Real Madrid, con o qual ganó, entre atros titols, una Euroliga, dos ligas ACB, una Copa d'o Rei y quatro Supercopas d'Espanya. En 2024 fichó por o CB Gran Canaria.
Fue reconoixiu como millor chugador choven d'a ACB en as temporadas 2018-19 y 2019-20, igualando a Luka Dončić como ganador d'o premio en dos edicions. Tamién fue incluyiu en o millor quinteto choven d'a ACB en tres ocasions.
Ye fillo d'o tamién chugador profesional de basketbol Alberto Alocén. Ha estau internacional con a selección espanyola absoluta y con as categorías inferiors, con as quals consiguió l'oro en o Campionato Europeu U-16 de Basketbol de 2016 y l'archent en o Campionato Europeu U-20 de Basketbol de 2019.
Vinclos externos Ficha d'o chugador en ACB.com. Ficha d'o chugador en Euroleaguebasketball.net.
Categoría:Basketbolistas d'a Liga ACB Categoría:Basketbolistas d'a selección masculina de basketbol d'Espanya Categoría:Basketbolistas d'Aragón Categoría:Basketbolistas d'o Basket Zaragoza 2002 Categoría:Basketbolistas d'o Real Madrid Categoría:Basketbolistas d'o Club Baloncesto Gran Canaria Categoría:Naixius de Zaragoza Categoría:2000 (naixencias)