thumb|300px|Externsteine. Externsteine ye un conchunto de penyas situadas en a selva de Teutoburgo, en o municipio de Horn-Bad Meinberg en o estato federato de Renania d'o Norte-Westfalia, Alemanya.
Historia En una tradición popular que se remonta a una ideya proposada a Hermann Hamelmann en 1564, l'Externsteine s'identifica como un puesto sagrau d'os saxons pagans, y a ubicación de o suyo Irminsul suposadament destruyiu por Carlos Magno.
As penyas s'usoron como o puesto d'una ermita en a Edat Meya, y a lo menos entre o periodo medieval estió o puesto d'una capiella cristiana. O relieu d'Externsteine ye una representación medieval d'o Descendimiento d'a Cruz.
L'Externsteine ganó prominencia cuan os eruditos nacionalistas s'intresoron por él en zaguerías d'o sieglo XIX y en primerías d'o XX. Iste intrés aconsiguió o suyo punto maximo baixo o rechimen nazi, cuan l'Externsteine se convirtió en un foco de propaganda nazi. Hue lo día, siguen estando un destín turistico muito popular y tamién continan atrayendo tanto a os neopagans y como que a os grupos neonazis.
Etimolochía As formas mas antigas rechistradas d'o nombre se leyen Agistersten y Eggesterenstein, todas dos con calendata de 1093. Atras formas d'o nombre incluyen Egesterenstein (sieglo XII), Egestersteyn (1366), Egersteyne (1369), Egestersten (1385), Egesternsteyn (sieglo XV), Eygesternsteyn, Externsteine (1533) y Agisterstein (1592).
A etimolochía d'o nombre Externsteine no ye clara y i hai cuantas teorías. que promana d'a parola d'o Baixo saxón Eckster (en aragonés picaraza) asinas Externsteine significaría Penyas d'as picarazas. que promana d'o chigant clamau Ecke (u Ekka) que amaneixe en o poema medieval Eckenlied. que promana d'a parola d'o baixo alemán Egge (en aragonés penya punchaguda).
Categoría:Politeísmo indoeuropeu Categoría:Neopaganismo Categoría:Pueblo saxón