A ermita de Sant Román de Ponzano ye una ermita situada amán d'a localidat de Ponzano, en a comarca d'o Semontano de Balbastro, provincia de Uesca.
Situada en a rota de transhumancia que va dende Broto dica Mequinenza, fació d'antis mas d'hospedería, ya que os pastors que recorreban ista cabanyera gosaban aturar-se una nueit en a casa d'o santero que encara ye chunto a la ermita.
Descripción Ye una construcción barroca de zaguerías d'o sieglo XVIII feita de mampostería enfortida por piedra picada en os anglos. De planta de cruz latina y una unica nau dividida en tres trampos. En o trampo d'os piez bi ha un coro, en o segundo, cubierto por una voveda de canyón, bi ha dos capiellas y en o tercero bi ha una gran cupula sobre pichinas y dos capiellas laterals ubiertas por arcos de meyo punto.
O presbiterio ye cubierto por una voveda de canyón con lunetos y una representación con a exaltación d'o nombre de Cristo (IHS), una Inmaculada Concepción en o canto d'o Evanchelio y a Sant Román en o d'a Epistola.
Cheodesia Bi ha un vértiz cheodesico situau chunto a la ermita con una altaria de 533 metros dende o livel d'a mar Fuella d'o vértiz cheodesico.
Referencias
Vinclos externos En a pachina d'o SIPCA
Román Román Sant Román Categoría:Molimentos de Ponzano