Mikel Zabalza Garate, conoixiu tamién como Mikel Zabaltza Garate u simplament Mikel Zabalza, naixiu d'Orbaiceta alredor de 1952 y muerto en Sant Sabastián en noviembre u aviento de 1985, estió un conductor d'autobús navarro en a empresa municipal "Compañia del Tranvía" conoixiu por os feitos alredor d'a suya desaparixión y a suya muerte.
O 26 de noviembre de 1985, en una operación antiterrorista d'a Guardia Civil contra ETA, él y miembros d'a suya familia fuoron detenius, a Zabalza sin de vinculación con o terrorismo li portoron ta o cuartel d'Intxaurrondo, conoixiu por as muitas denuncias que teneba por tortura, una vegada en ixe puesto desapareixió y en o cuartel deciban que heba escapau cuan lis mostraba un zulo d'a banda terrorista ETA, isto fació que en muitas ciudaz d'o País Basco y Navarra i hese manifestacions. Días dimpués o 15 d'aviento a Guardia Civil trobó o suyo cuerpo sin de vida en o río Bidasoa.
Seguntes investigacions periodisticas y declaracions posteriors morió por tortura mientres o suyo interrogatorio. En o proceso d'a investigación d'a suya muerte o caso fue archivau por falta de prebas y en a reaperura d'o caso anyos dimpués tamién se tornó a archivar.
Bibliografía Cuantos autors. El libro negro de Intxaurrondo. Txalaparta, 2001. . Landa Gorostiza, Jon-Mirena. Indarkeria politikoaren ondorioz izandako giza eskubideen urraketen biktimak . País Basco: Conselleria de Justícia d'Euskadi - Departamento de Trabajo y Seguridad Social, 2009. .
Filmografía Non Dago Mikel? Documental alredor d'a suya desaparixión.
Categoría:1952 (naixencias) Categoría:1985 (muertes) Categoría:Navarros Categoría:Torturaus en Espanya