Star Wars Episode VI: Return Of The Jedi (títol orichinal en anglés, estrenada en Aragón con o títol en castellano La guerra de las galaxias: Episodio VI - El regreso del Jedi) ye una cinta estausunidense de cine de ciencia ficción de l'anyo 1983, dirichida por Richard Marquand y producida por Howard Kazanjian con guión de Lawrence Kasdan y George Lucas, protagonizada por Mark Hamill, Harrison Ford, Carrie Fisher, Billy Dee Williams, Anthony Daniels, David Prowse, Kenny Baker, Peter Mayhew y Frank Oz.
En a cinta, l'Imperio Galactico, baixo l'adreza d'o despiedau Emperador, ye construindo una segunda Estrela d'a Muerte pa escachar a l'Alianza Rebelde d'una vegada por todas. Dau que l'Emperador planeya supervisar personalment as etapas zagueras d'a suya construcción, a Flota Rebelde lanza un ataque a gran escala contra a Estrela d'a Muerte pa privar a suya finalización y matar a l'Emperador, metendo fin a lo suyo control sobre a galaxia. Entremistanto, Luke Skywalker, agora un Caballero Jedi, luita por trayer de tornada a su pai Darth Vader a lo costau luminoso d'a Fuerza.
Se consideró a Steven Spielberg, David Lynch y David Cronenberg pa endrezar o prochecto antis de que Marquand sinyase como director. L'equipo de producción se basó en os guions graficos de Lucas mientres a preproducción. Entre que escribiban o guión de rodache, Lucas, Kasdan, Marquand y o productor Howard Kazanjian pasoron dos semanas en un achunte discutindo ideyas pa construir-lo. O calandario de Kazanjian fazió que o rodache prencipiase unas semanas antis pa permeter que Industrial Light & Magic tenese mas tiempo pa treballar en os efectos d'a cinta en a postproducción. O rodache tenió puesto en Anglaterra, California y Arizona de chinero a mayo de 1982. A producción se mantuvo en un estricto secreto.
A cinta s'estrenó en os cines o 25 de mayo de 1983, seis anyos dimpués de l'estreno d'a primera cinta, y recibió criticas en a suya mayoría positivas. Replegó 374 millons de dolars mientres a suya presentación teatral inicial, convertindo-se en a cinta mas taquillera de 1983. A lo largo d'os decenios s'han produciu diversas reedicions y revisions d'a cinta, lo que tamién ha levau a suya recaudación total a 475 millons de dolars.
Reparto Mark Hamill como Luke Skywalker. Harrison Ford como Han Solo. Carrie Fisher como Leia Organa. David Prowse como Darth Vader. Billy Dee Williams como Lando Calrissian. Anthony Daniels como C-3PO. Peter Mayhew como Chewbacca. Kenny Baker como R2-D2. Alec Guinness como Obi-Wan Kenobi. Frank Oz como Yoda. Ian McDiarmid como l'Emperador.
Se veiga tamién Cine en 1983. Cintas de 1983.
Referencias
Categoría:Cintas con banda sonora orichinal de John Williams Categoría:Cintas con dirección de fotografía d'Alan Hume Categoría:Cintas con guión de George Lucas Categoría:Cintas con guión de Lawrence Kasdan Categoría:Cintas con montache de Duwayne Dunham Categoría:Cintas con montache de Marcia Lucas Categoría:Cintas con montache de Sean Barton Categoría:Cintas d'Estaus Unius Categoría:Cintas de cine de ciencia-ficción Categoría:Cintas dirichidas por Richard Marquand Categoría:Cintas en anglés Categoría:Cintas producidas por Howard Kazanjian Categoría:Star Wars