L'Euzko Alderdi Jeltzalea (EAJ) u Partido Nacionalista Vasco (PNV) (en aragonés Partiu Nacionalista Basco, en idioma francés Parti Nationaliste Basque, PNB) ye un partiu politico basco fundau o 31 de chulio de 1895 por Sabino Arana, con ideolochía nacionalista basca democristiana y liberal.
Fue fundau con l'obchectivo d'esfensar as tesis d'Arana en pro d'a raza basca, a recuperación d'os fueros y a esfensa d'a independencia d'a "confederación basca", encara que mas tardi Ramón de la Sota lo dirichió mas enta o conservadurismo rechionalista. Orichinariament o suyo radio d'acción yera amugau a Bizcaya, a o largo d'o sieglo XX s'estendilló por toz os territorios bascos (incluyindo Navarra y o País Basco d'o Norte). Paralelament, a mida que o sistema bipartidista espanyol lo permitiba, se fació un puesto en o mapa politico basco, dica convertir-se en a fuerza hechemonica, posición que mantiene en l'actualidat.
Dimpués d'haber suavizau os suyos planteyamientos inicials, ha participau de manera decisiva en o proceso autonomico basco (tanto durant a Segunda Republica Espanyola como en a transición democratica), estando lo prencipal partiu de gubierno en todas as experiencias autonomicas d'Euskadi dende a fundación d'o partiu. O partiu ha gubernau a Comunidat Autonoma Basca dende a suya creyación en 1980 excepto en o periodo entre 2009 y 2012. Dende 2013 o partiu ye dirichiu por Andoni Ortuzar Arruabarrena, Andoni Ortuzar, elegido nuevo presidente del PNV. Heraldo de Aragón, 31 de chulio de 2020 y dende 2012 Iñigo Urkullu ye o lehendakari. Una hegemonia difícil de trencar a Euskadi. Manuel Lillo i Usechi, El Temps, 31 de chulio de 2020 A chovenalla de l'EAJ-PNV ye Euzko Gaztedi.
Referencias
Vinclos externos Pachina oficial
*