Estrasburgo (en alemán Straßburg, en francés Strasbourg, en alsaciano Strossburi) ye una ciudat de Francia, capital d'o departamento de Baixo Rin.

Estrasburgo ye una d'as cuatro capitals prencipals de facto d'a Unión Europea (de conchunta con Bruselas, Luxemburgo y Frankfurt d'o Main), ya que ye la seu de cuantas institucions europeas, como lo Parlamento Europeu, l'Eurocuerpo y lo Defensor d'o Pueblo Europeu d'a Unión Europea. Una organización deseparada d'a Unión Europea, o Consello d'Europa tamién se troba en a ciudat.

Economicament, Estrasburgo ye un important centro de fabricación y incheniería, asinas como un centro de transporte per carretera, ferroviario y fluvial. Lo puerto d'Estrasburgo ye lo segundo mas gran d'o Rin dimpués de Duisburg en Alemanya, y lo segundo puerto fluvial mas gran de Francia dimpués de París. Port de Strasbourg: le trafic chute de 26% en 2018, plus bas historique en Le Figaro

Historia A ciudat d'Estrasburgo creixió a partir d'o campamento romano d'Argentoratum.

Entre 362 y 1262, Estrasburgo estió gubernada per os bispes d'Estrasburgo. En 1262, os ciudadans se rebeloron violentament contra lo gubierno d'o bispe (en a Batalla de Hausbergen) y Estrasburgo se convirtió en una ciudat imperial libre. Se convirtió en ciudat francesa en 1681, dimpués d'a conquiesta d'Alsacia per os exercitos de Loís XIV. En 1871, dimpués d'a guerra franco-prusiana, a ciudat tornó a estar alemana, dica 1918 (en zaguerías d'a Primera Guerra Mundial), cuan tornó a Francia. Dimpués d'a redota de Francia en 1940 (en a Segunda Guerra Mundial), Estrasburgo tornó a estar baixo control alemán; a la fin dende zaguerías de 1944, ha tornau a estar una ciudat francesa. En 2016, Estrasburgo fue puyada de capital d'Alsacia a capital de Gran Este.

Demografía + Habitants dende 1921 1921 1936 1946 1954 1962 1975 1982 1990 1999 2009 2018 166.767 193.119 175.515 200.921 228.971 253.384 248.712 252.338 264.115 271.708 284.677

Puestos d'intrés Gran Isla d'Estrasburgo, patrimonio d'a Humanidat, dende 1988. Seu, patrimonio d'a Humanidat.

Fiestas Mercau de Nadal (marché de Noël u Christkindelsmärik).

Personalidaz naixidas d'Estrasburgo Charles Gerhardt (1816-1856), quimico. Hans Bethe (1906-2005), fisico, Premio Nobel de Fisica de l'anyo 1967. Gustave Doré (1832-1883), pintor.

Galería d'imáchens

Referencias

Vinclos ecternos

*