A cuqueta de diosCon a variant cuqueta de deu. ( (Linnaeus, 1758) Linnaeus, C. 1758. Systema Naturae per regna tria naturæ, secundum classes, ordines, genera, species, cum characteribus, differentiis, synonymis, locis, Tomus I. Editio decima, reformata. Holmiæ: impensis direct. Laurentii Salvii. i–ii, 1–824 pp) ye una especie d'insecto d'a orden d'os Coleoptera y familia Coccinellidae que ye lo coccinelido mas común d'Europa.
Nombre O nombre mas común pa iste insecto en Aragón ye o de cuqueta de dios, rechistrau en cheneral en Sobrarbe y en as localidaz de Aragüés de lo Puerto, Bielsa, Campo, Chalamera, A Espunya, Palo, La Puebla de Castro, Salas Altas, Salinas d'Oz y Tella. A variant cuqueta de deu se rechistra en Torres y cuqueta de nuestro sinyor en Litera y L'Almunia de Sant Chuan. Se diz simplament cuqueta en Fonz, Graus y A Espunya y cuqueta de Monzón en Benás y La Poblla de Roda.
Se diz vaquica de dios en Luesia, Morillo de Galligo, Riglos, Salvatierra d'Esca, Sigüés, Sos y Uncastiello, con variant vaqueta de dios tamién rechistrada. En a val de Chistau se diz voleta de dios, en Biel gusán de dios u gusano de dios, en Ansó gallineta de dios u gallineta y en Berdún maneta de dios. Amás en Echo se rechistran as formas anchelet de dios y anchelet de cielo.
Atras denominacions pa iste insecto son campanilla, rechistrada en Litago, Malón y Tarazona,catalina, común en Tarazona y Moncayo y catalineta, rechistrada en Biescas, marieta y mariíca, rechistrada en Exeya d'os Caballers y Lecinyena y salamón.
Notas
Referencias
Vinclos externos
Categoría:Coccinella Categoría:Insectos d'Aragón Categoría:Fauna d'Europa Categoría:Fauna d'Asia Categoría:Fauna d'Africa Categoría:Fauna d'os Pireneus Categoría:Taxons nombraus por Carl Linnaeus