Von Richthofen and Brown (títol orichinal en anglés, en aragonés Von Richthofen y Brown, estrenada en Aragón con o títol en castellano d'El barón rojo, en aragonés O barón royo) ye una cinta de cine biografico belico de cine estausunidense centrada en a figura de Manfred von Richthofen. Dirichida por Roger Corman seguntes un guión orichinal de John William Corrington y Joyce Hooper Corrington, con una banda sonora orichinal d'Hugo Friedhofer, una producción cinematografica de Gene Corman ta la suya productora cinematografica The Corman Company, conta con un elenco d'o cual en fan parte, entre d'atros, os actors John Phillip Law, Don Stroud, Barry Primus, Corin Redgrave, Karen Huston, Hurd Hatfield, Stephen McHattie, Brian Foley, Robert La Tourneaux, Peter Masterson, David Weston, Tom Adams, Seamus Forde, Maureen Cusack, Ferdy Mayne y Lorraine Rainer.
Como s'ha dito, la cinta conta la vida d'o piloto de l'aviación de caza de l'exercito alemán Manfred von Richthofen mientres a Primera Guerra Mundial, dende que plega enta una unidat d'avions baixo lo mando d'Oswald Boelcke dica la suya muerte. En plegar en a unidat, conoix a los pilotos que en fan parte, en destacando Werner Voss, Ernst Udet y Hermann Göring. En a suya primara epoca recibe los consellos de Boelcke. Simultaniament, a unidat de l'exercito britanico baixo lo mando de Lanoe Hawker con qui combaten os alemans recibe a Roy Brown, un canadiense que se troba bien luent d'as concepcions caballerescas que predominan mesno en as filas d'os pilotos alemans que en as filas de l'exercito britanico y que bien luego topa coon os suyos companyeros. A tamas d'ixo, Brown consigue derribar y matar a Boelcke en un combat aerio y cuan o mando alemán busca un succesor ta mandar a escuadrilla, dubdan entre Göring y von Richtofen, decidindo-se finalment por iste zaguero. Cuan von Richtofen recibe la orden de pintar os suyos avions con colors multicolors ta dificultar a suya identificación, la interpreta a la suya traza y decide pintar de colors bien visibles a los suyos avions, en pintano lo suyo d'una bien vistosa color roya. Cuan Brown consigue imposar as suyas formas de combatir en as filas britanicas, istos atacan l'aerodromo alemán, en destruyindo l'hespital d'a base aeria. Chusto immediatament dimpués de l'ataque que ha destruyiu los suyos avions, os alemans reciben nuevos avions y los fan servir ixa mesma tarde ta tornar l'ataque a la base aeria britanica. En l'ataque, Göring ataca a personal medico britanico y von Richthofen li recrimina. Taniientres, mesmo en un que en atro bando la guerra se fa cada vegada mas cruel y no deixa espacio ta actituz caballerescas. Cuan proposan a von Richthofen retirar-lo d'o frent ta evitar a suya muerte en combate iste se niega, y qui accepta lo puesto que li han ufriu ye Göring. A la vegada, mientres istos escaicimientos Brown s'ha convertiu en un as de l'aviación d'o suyo campo y bien luego plegará lo combat entre toz dos ases.
A cinta s'ambienta en os anyos 1914 a 1918 en Alemanya y Francia mientres a Primera Guerra Mundial, y las suyas escenas se filmoron en Dublín (condau de Dublín) y un aerodromo en Leixlip (condau de Cill Dara) en Irlanda. Localizacions de Von Richthofen and Brown en Internet Movie Database.
Elenco Von Richthofen and Brown en Internet Movie Database. Actor Papel Notas ''''
Se veiga tamién Cine en 1971. Cintas de 1971.
Referencias
Vinclos externos
Von Richthofen and Brown en Internet Movie Database. Von Richthofen and Brown en TCM Movie. Von Richthofen and Brown en Letterboxd.
Categoría:Cintas ambientadas en Alemanya Categoría:Cintas ambientadas en Francia Categoría:Cintas ambientadas en 1914 Categoría:Cintas ambientadas en 1915 Categoría:Cintas ambientadas en 1916 Categoría:Cintas ambientadas en 1917 Categoría:Cintas ambientadas en 1918 Categoría:Cintas con banda sonora orichinal d'Hugo Friedhofer Categoría:Cintas con dirección de fotografía de Michael Reed Categoría:Cintas con guión de John William Corrington Categoría:Cintas con guión de Joyce Hooper Corrington Categoría:Cintas con montache d'Alan Collins Categoría:Cintas de cine belico Categoría:Cintas de cine biografico Categoría:Cintas d'Estaus Unius Categoría:Cintas dirichidas por Roger Corman Categoría:Cintas en anglés Categoría:Cintas en francés Categoría:Cintas en Color by DeLuxe Categoría:Cintas interpretadas por Barry Primus Categoría:Cintas interpretadas por Brian Foley Categoría:Cintas interpretadas por Corin Redgrave Categoría:Cintas interpretadas por David Weston Categoría:Cintas interpretadas por Don Stroud Categoría:Cintas interpretadas por Ferdy Mayne Categoría:Cintas interpretadas por Hurd Hatfield Categoría:Cintas interpretadas por John Phillip Law Categoría:Cintas interpretadas por Karen Huston Categoría:Cintas interpretadas por Lorraine Rainer Categoría:Cintas interpretadas por Maureen Cusack Categoría:Cintas interpretadas por Peter Masterson Categoría:Cintas interpretadas por Robert La Tourneaux Categoría:Cintas interpretadas por Seamus Forde Categoría:Cintas interpretadas por Stephen McHattie Categoría:Cintas interpretadas por Tom Adams Categoría:Cintas producidas por Gene Corman Categoría:Cintas rodadas en Dublín Categoría:Cintas rodadas en Leixlip Categoría:Cintas de cine sobre a Primera Guerra Mundial