Luis Montoliu Salado (ZaragozaAtras fuents sinyalan que yera naixiu d'Ardanui, municipio de Montanui, Ribagorza., 1903? - Caracas, 13 de febrero de 1962) estió un anarcosindicalista y politico aragonés, consellero de Transportes y Comunicacions d'o Consello Rechional de Defensa d'Aragón.
Biografía Militant d'a CNT y dende 1930 miembro d'o Comité Nacional d'a Federación Nacional d'a Industria Ferroviaria. Treballador d'a gara d'o Norte de Zaragoza, en 1934-1935 estió miembro d'o Comité Nacional d'a CNT y delegau d'a FNIF en o Congreso de Madrit de 1935.
O esclatiu d'a Guerra Civil Espanyola le sosprendió en Valencia, a on fació amistanza con Enric Marco Nadal y s'integró en o Consello Rechional de Defensa d'Aragón como responsable de Transportes y Comunicacions. Con José González y Díaz Sandino representó a la CNT en o Comité d'Explotación de Linias, y representó a Aragón y Navarra en o Comité Nacional de Defensa.
En rematar a guerra civil fue feito presonero en Alicant y ninviau ta Aranjuez, a on o 13 de noviembre de 1940 fue condenau a muerte en consello de guerra sumarismo. Manimenos, no fue executau y en zagueras o 14 de marzo de 1946 fue liberau en aplicación d'una mida de gracia. Establiu en Madrit, en 1947 acceptó representar a la CNT en os gubiernos d'a Segunda Republica Espanyola en l'exilio, de manera que eslampa ta Francia y dende astí ta Mexico, a on i arribó o 17 de marzo de 1947. Astí fue nombrau ministro d'Información en o segundo gubierno de Rodolfo Llopis.
Fació parti d'o sector d'a CNT partidario de colaborar con as autoridaz republicanas en l'exilio. Dimpués emigró ta Venezuela, a on en 1960 fació parti d'o Congreso de reunificación d'a CNT. Morió bels anyos dimpués d'un ataque de corazón.
Notas
Referencias
Vinclos externos Luis Montoliu Salado en a Real Academia de la Historia. Expo Consejo de Aragón
Categoría:Anarquistas d'Aragón Categoría:Exiliaus aragoneses en Venezuela Categoría:Exiliaus d'o franquismo Categoría:Gubierno Ascaso Categoría:Muertos en Caracas Categoría:Naixius de Zaragoza Categoría:Politicos d'Aragón Categoría:Sindicalistas d'Aragón Categoría:Sindicalistas d'a Confederación Nacional del Trabajo Categoría:1903 (naixencias) Categoría:1962 (muertes)