Ite articlo ye sobre una cinta estausunidense de cine d'acción de ciencia-ficción estrenada en 2001; ta atros usos, se veiga The One.

The One (títol orichinal en anglés, en aragonés L'indicau, estrenada en Aragón con o títol en castellano de El único, en aragonés L'unico) ye una cinta de cine estausunidense de cine d'acción de ciencia-ficción d'artes marcials estrenada l'anyo 2001, dirichida por James Wong seguntes un guión orichinal de Glen Morgan y James Wong. con una banda sonora orichinal de Trevor Rabin, una dirección de fotografía de Robert McLachlan y una producción cinematografica de Steve Chasman, Glen Morgan, Charles Newirth y James Wong ta las productoras Columbia Pictures, Revolution Studios y Hard Eight Pictures. Fan parte de l'elenco d'actors d'a cinta, entre d'atros, Jet Li, Jason Statham, Delroy Lindo, Carla Gugino, James Morrison, Dylan Bruno, Richard Steinmetz, Archie Kao, Dean Norris, Steve Rankin, Tucker Smallwood, Harriet Sansom Harris, Mark Borchardt y Doug Savant.

Gabriel Yulaw ye un antigo achent de l'Autoridat d'o Multiverso, un organismo que ye a lo cudiau d'os viaches interdimensionals, que ye en busca de variants de sí mesmo en cuantos universos paralelos. Dica l'inte ha trobau y asasinau a 123 variants de sí mesmo, con l'obchectivo d'absorber as suyas enerchías vitals en matar-los. Capturau cuan marchaba en busca d'a suya variant 124, ye destinau a una garchola d'alta seguredat, pero logra fuyir momentos antes d'estar-ne transportau. Marcha en busca d'a variant 124 y ultima de sí mesmo, Gabe Law, en l'universo Charis. En ixe universo, Gabe Law ye un achent de Policía de Los Angeles que ha observau que dende fa 2 anyos milloran regularment as suyas capacidaz fisicas y mentals, pero ni él ni su muller, que ye medico, son capables d'explicar-lo. Mientres que Gabe transporta a un presonero, tien a sensación d'a suya propia presencia (en realidat d'a de Yulaw) y ixo li permite desentar que iste dispare contra él. Queda feriu en cayer d'un muro pero dos miembros de l'Autoridat d'o Multiverso privan que Yulaw lo mate. Tanimientres, Yulaw va enta l'hespital a on ye Gabe y se baralla con él, destrotando a los policías en veyer que se barallan dos personas identicas y amás vestidas igual. Toz dos consiguen fuyir y la policía los persigue, encara que creyen que las malfeitas que fa Yulaw son obra de Gabe. Iste ha de luitar contra Yulaw sin garra aduya, estando amás perseguiu por a Policía, y contando nomás que con o refirme d'un d'os dos miembros de l'Autoridat d'o Multiverso, en haber Yulaw conseguiu matar a l'atro.

A cinta s'ambienta en Los Angeles en a suya epoca actual (2001) y en bels universos paralelos, y las suyas escenas se filmoron en Los Angeles y Redondo Beach (California), amás d'en os Los Angeles Center Studios en Los Angeles y los Universal Studios en Universal City, toz dos en California. Localizacions de The One en Internet Movie Database.

Ye una cinta que ha ganau bels premios y nominacions, anque garra d'éls no perteneixe a los premios cinematograficos mas conoixius u destacaus.

Elenco The One en Internet Movie Database. Actor Papel Notas ''''

Se veiga tamién Cine en 2001. Cintas de 2001.

Referencias

Vinclos externos The One en Internet Movie Database.

Categoría:Cintas ambientadas en Los Angeles Categoría:Cintas ambientadas en 2001 Categoría:Cintas con banda sonora orichinal de Trevor Rabin Categoría:Cintas con dirección de fotografía de Robert McLachlan Categoría:Cintas con guión de Glen Morgan Categoría:Cintas con guión de James Wong Categoría:Cintas con montache de James Coblentz Categoría:Cintas de cine d'acción Categoría:Cintas de cine d'artes marcials Categoría:Cintas de cine de ciencia-ficción Categoría:Cintas d'Estaus Unius Categoría:Cintas dirichidas por James Wong Categoría:Cintas en anglés Categoría:Cintas en Color by DeLuxe Categoría:Cintas interpretadas por Archie Kao Categoría:Cintas interpretadas por Carla Gugino Categoría:Cintas interpretadas por Dean Norris Categoría:Cintas interpretadas por Delroy Lindo Categoría:Cintas interpretadas por Doug Savant Categoría:Cintas interpretadas por Dylan Bruno Categoría:Cintas interpretadas por Harriet Sansom Harris Categoría:Cintas interpretadas por James Morrison Categoría:Cintas interpretadas por Jason Statham Categoría:Cintas interpretadas por Jet Li Categoría:Cintas interpretadas por Mark Borchardt Categoría:Cintas interpretadas por Richard Steinmetz Categoría:Cintas interpretadas por Steve Rankin Categoría:Cintas interpretadas por Tucker Smallwood Categoría:Cintas producidas por Charles Newirth Categoría:Cintas producidas por Glen Morgan Categoría:Cintas producidas por James Wong Categoría:Cintas producidas por Steve Chasman Categoría:Cintas rodadas en Los Angeles Categoría:Cintas rodadas en Redondo Beach Categoría:Cintas rodadas en Universal City