Iste articlo ye sobre una cinta anglo-estausunidense de cine negro d'intriga; ta atros usos, se veiga Widows.
Widows (títol orichinal en anglés, en aragonés Víduas, estrenada en Aragón con o suyo títol traduciu enta lo castellano como Viudas) ye una cinta estrenada l'anyo 2018 de cine negro d'intriga poliiaca coproducida por o cine britanico y lo cine estausunidense, dirichida por Steve McQueen seguntes un guión adaptau por Gillian Flynn y lo mesmo Steve McQueen (basau en a serie de televisión Widows,de Lynda La Plante), con una banda sonora orichinal de Hans Zimmer, una dirección de fotografía de Sean Bobbitt, una producción cinematografica de Steve McQueen, Iain Canning, Emile Sherman y Arnon Milchan ta las productoras Regency Enterprises, New Regency, See-Saw Films y Lammas Park, y un elenco formau por Viola Davis, Michelle Rodriguez, Elizabeth Debicki, Cynthia Erivo, Colin Farrell, Brian Tyree Henry, Daniel Kaluuya, Jacki Weaver, Carrie Coon, Robert Duvall, Liam Neeson, Jon Bernthal, Manuel Garcia-Rulfo, Garret Dillahunt, Lukas Haas, Matt Walsh, Kevin J. O'Connor, Jon Michael Hill y Coburn Goss, entre d'atros actors.
Harry Rawlings y la suya banda acaban de robar en Chicago 2 millons de dólars a lo mafioso Jamal Manning, pero en perseguir-los a Policía a suya cambioneta explota y mueren toz. Jamal menaza a Veronica, la vídua de Harry, ta que li pague los 2 millons, que han desapareixiu y que amenista ta financiar a suya campanya como rechidor a lo concello de Chicago. En as eleccions ha de ganar a Jack Mulligan, l'hereu d'una dinastía que fa cuantos decenios que ocupa lo cargo, y que conoixeba a Harry. Bash, que yera lo chófer de Harry, entrega a Veronica una clau d'una caixa de seguredat d'un banco, a on troba una libreta con un plan detallau que teneba Harry ta robar a lo pai de Mulligar, Tom, conoixiu por os suyos casos de corrupción. Veronica creye que la sola suya posibilidat ye de fer ella lo robo, y contacta con as víduas d'os miembros d'a banda de Harry, Alice y Linda. Alice ha perdiu o suyo treballo y su mai la presiona ta que s'adedique a la prostitución de luxo, y Linda s'ha trobau con que su mariu heba apostau y perdiu a suya botiga de peluquería. A zaguer vídua, Amanda, no s'adhibe a lo grupo en estar mai d'un ninón casi que recient naixiu, de nomás que cuatre meses. Continan todas tres con os preparativos, a la vegada que Jatemme, lo chirmano de Jamal, ha descubierto la existencia d'a libreta y la busca, plegando mesmo enta matar a Bash, o chófer. Como amenistan un chófer, Amanda recruta a la suya nineta, Belle. Veronica visita a Amanda y veye en a casa a petaca de Harry, y prencipia a sospeitar de qui ye lo pai d'o nino d'Amanda. O suyo can descubre a Harry, amagau adintro d'un almario, y Veronica marcha sin pronunciar palabra. Descubre que Harry provocó la explosión ta amagar a traición a los suyos companyeros y que yera d'alcuerdo con Mulligan ta sobotiar a campanya de Jamal, y que lo que quereba yera prencipiar con os diners una nueva vida con Amanda y su fillo, deixando entazaga a Veronica y a lo fillo que morió feba bel tiempo por a suya culpa. Cuan finalment fan o robo, Tom reconoix a Veronica y dispara, ferindo a Alice, y cuan marchan con os diners, los lis roba Jatemme, a qui persiguen dica que muere en un accident y tornan a recuperar-los, pero tampoco no contan con Harry, qui tamién ye decidiu a tener él os diners.
A cinta s'ambienta en a suya epoca actual (2018) en Chicago (Illinois) y las suyas escenas se filmoron en ixa mesma ciudat. Localizacions de Widows en Internet Movie Database.
Ye una cinta que ha recibiu cuantos premios y nominacions, en destacando un Premio BAFTA a la Millor Actriz en 2019 mientres a 72ena edición d'os Premios BAFTA.
Elenco Widows en Internet Movie Database. Actor Papel Notas ''''
Se veiga tamién Cine en 2018. Cintas de 2018.
Referencias
Vinclos externos
Widows en Internet Movie Database. Widows en Metacritic. Widows en Rotten Tomatoes. Widows en Box Office Mojo.
Categoría:Cintas ambientadas en Chicago Categoría:Cintas ambientadas en 2018 Categoría:Cintas con banda sonora orichinal de Hans Zimmer Categoría:Cintas con dirección de fotografía de Sean Bobbitt Categoría:Cintas con guión de Gillian Flynn Categoría:Cintas con guión de Steve McQueen (director cinematografico) Categoría:Cintas con montache de Joe Walker Categoría:Cintas de cine d'intriga Categoría:Cintas de cine negro Categoría:Cintas de cine policiaco Categoría:Cintas d'Estaus Unius Categoría:Cintas d'o Reino Uniu Categoría:Cintas dirichidas por Steve McQueen (director cinematografico) Categoría:Cintas en anglés Categoría:Cintas en castellano Categoría:Cintas en polaco Categoría:Cintas interpretadas por Brian Tyree Henry Categoría:Cintas interpretadas por Carrie Coon Categoría:Cintas interpretadas por Coburn Goss Categoría:Cintas interpretadas por Colin Farrell Categoría:Cintas interpretadas por Cynthia Erivo Categoría:Cintas interpretadas por Daniel Kaluuya Categoría:Cintas interpretadas por Elizabeth Debicki Categoría:Cintas interpretadas por Garret Dillahunt Categoría:Cintas interpretadas por Jacki Weaver Categoría:Cintas interpretadas por Jon Bernthal Categoría:Cintas interpretadas por Jon Michael Hill Categoría:Cintas interpretadas por Kevin J. O'Connor Categoría:Cintas interpretadas por Liam Neeson Categoría:Cintas interpretadas por Lukas Haas Categoría:Cintas interpretadas por Manuel Garcia-Rulfo Categoría:Cintas interpretadas por Matt Walsh Categoría:Cintas interpretadas por Michelle Rodriguez Categoría:Cintas interpretadas por Robert Duvall Categoría:Cintas interpretadas por Viola Davis Categoría:Cintas producidas por Steve McQueen (director cinematografico) Categoría:Cintas producidas por Arnon Milchan Categoría:Cintas producidas por Emile Sherman Categoría:Cintas producidas por Iain Canning Categoría:Cintas rodadas en Chicago