Iste articlo ye sobre una cinta espanyola de 1948 de cine de drama historico; ta atros usos, se veiga Locura de amor.

Locura de amor (títol orichinal en castellano, en aragonés Locura d'amor, estrenada en Aragón con o suyo títol orichinal) ye una cinta de cine espanyol de cine de drama historico estrenada l'anyo 1948, dirichida por Juan de Orduña seguntes un guión orichinal de Carlos Blanco Hernández y Alfredo Echegaray, con una banda sonora orichinal de Juan Quintero Muñoz, una dirección de fotografía de José Fernández Aguayo y una producción cinematografica de Carlos Blanco Hernández y José María Pemán ta la productora cinematografica Compañía Industrial Film Español S.A., y que conta con un elenco formau por Aurora Bautista, Fernando Rey, Sara Montiel, Jorge Mistral, Carmela de Lucio, Jesús Tordesillas, Manuel Luna, Nicolás Perchicot y Juan Espantaleón Torres, entre d'atros actors.

Chuana ye infanta de Castiella, filla de Ferrando II d'Aragón y Isabel I de Castiella, y ye heredera de toz dos reinos con os suyos territorios subordinaus. Ha casau en Flandres con Felipe, que ha de recibir en herencio las posesions d'a Casa d'Habsburgo y d'a Casa de Borgonya, y bien luego troba que Felipe l'enganya con una amant, terne que terne, encelando-se con tot ixo. Malas que plegan en o reino de Castiella, fan una aturada en Tudela de Duero, a on Felipe contina enganyando-la con a mesma dama. O capitán don Alvar, veterano d'as batallas en o reino de Nápols, ye fundament enamorau de Chuana y la proteche constantment, a la vegada que una part d'a nobleza castellana recela d'os flamencos que han plegau con Felipe en o reino y que prencipian a ocupan-ie cargos. Un d'os nobles, que s'ha vendiu a Felipe, coloca a l'amant d'o rei como dama de companyía d'a reina, fendo-la pasar por a suya sobrina. Poquet a poquet, o cerclo se zarra, y Felipe y sus colaboradors nomás veyen como solución posible declarar barrenada a la reina poco dimpués d'a muerte de su mai Isabel ta asinas estar Felipe coronau rei. Don Alvar y los partidarios de Chuana s'oponen, y Chuana poseye mesmo una carta que amuestra la trampa que li ha preparau Felipe, y se decide a fer.la servir cuan conoix que l'amant d' rei ye la filla musulmana d'o zaguer rei de Granada. Lo que desconoix ye que la carta ha estau substituyida por un papel en blanco, de modo que si l'amuestra toz creyeran cierta l'acusación de locura. Tanimientres d'estar declarada barrenada, bien luego muere tempranament Felipe y plega enta Castiella Carlos, lo fillo de Felipe y Chuana, ta estar proclamau rei, estando a él a qui don Alvar ye explicando toda la historia.

A cinta s'ambienta en os anyos 1500 y 1510 en o condau de Flandres (l'actual Belchica) y en localizacions d'as actuals Castiella-La Mancha y Castiella y Leyón, como Tudela de Duero y Toledo.

Se tracta d'una cinta que ha recibiu bels premios y nominacions, encara que garra d'éls no perteneixe a los premios mas conoixius u destacaus d'o panorama cinematografico internacional.

Elenco Locura de amor en Internet Movie Database. Actor Papel Notas ''''

Se veiga tamién Cine en 1948. Cintas de 1948.

Referencias

Vinclos externos Locura de amor en Internet Movie Database. Locura de amor en FilmAffinity.

Categoría:Cintas ambientadas en Belchica Categoría:Cintas ambientadas en Castiella-La Mancha Categoría:Cintas ambientadas en Castiella y Leyón Categoría:Cintas ambientadas en Toledo Categoría:Cintas ambientadas en Tudela de Duero Categoría:Cintas ambientadas en os anyos 1500 Categoría:Cintas ambientadas en os anyos 1510 Categoría:Cintas con banda sonora orichinal de Juan Quintero Muñoz Categoría:Cintas con dirección de fotografía de José Fernández Aguayo Categoría:Cintas con guión d'Alfredo Echegaray Categoría:Cintas con guión de Carlos Blanco Hernández Categoría:Cintas con montache de Juan Serra Categoría:Cintas de cine de drama Categoría:Cintas de cine historico Categoría:Cintas d'Espanya Categoría:Cintas dirichidas por Juan de Orduña Categoría:Cintas en castellano Categoría:Cintas en blanco y negro Categoría:Cintas interpretadas por Aurora Bautista Categoría:Cintas interpretadas por Carmela de Lucio Categoría:Cintas interpretadas por Fernando Rey Categoría:Cintas interpretadas por Jesús Tordesillas Categoría:Cintas interpretadas por Jorge Mistral Categoría:Cintas interpretadas por Juan Espantaleón Torres Categoría:Cintas interpretadas por Manuel Luna Categoría:Cintas interpretadas por Nicolás Perchicot Categoría:Cintas interpretadas por Sara Montiel Categoría:Cintas producidas por Carlos Blanco Hernández Categoría:Cintas producidas por José María Pemán