Basajarau, Bonjarau u Bosnerau ye como se le diz en as vals d'Ansó, Tena y Broto a o "Sinyor d'as selvas", personache d'a mitolochía altoaragonesa. José Miguel Navarro López Diccionario de signos, símbolos y personajes míticos y legendarios del Pirineo aragonés, Prames, 2018, , p.65
Basajarau ye un bigardo de pelo largo que le tapa toda a esquena y que aduya y proteche a pastors y rabanyos d'as tronadas y as fieras d'as selvas. Si os rabanyos lo sienten, lo saludan fendo sonar as suyas esquillas.
Cuan dondia por as selvas deixa unas pisatas estranias. En una d'ellas se puede reconoixer un piet humán, pero l'atra ye redoldiata como a tronca d'un arbol. Diz a falordia, que como os diaples, o Basajarau quedó coixo dimpués de perder a guerra en o cielo y cayer enta a tierra.
En as vals vecinas d'o pireneu navarro y Euskal Herria a iste personache se le diz Basajaun (que en basco significa literalment Sinyor d'os Bosques).
Referencias
Categoría:Mitolochías pirenencas Categoría:Mitolochía aragonesa Categoría:Mitolochía basca