O Comapedrosa (tamién escrito tradicionalment como Coma Pedrosa) ye un pico d'os Pireneus situau a o nord-ueste d'o Prencipau d'Andorra, en a parroquia de La Massana, amán d'a muga con o Pallars Sobirán, en Catalunya y o País de Foix, en Francia. Con 2.942 metros d'altaria, ye o cobalto d'Andorra. O nuclio de población mas amanau ye Arinsal y a suya estación d'esquí. Andorra. La geografia física. Gran Enciclopèdia Catalana, 2026.
A cema ye incluyida en o Parque Natural Comunal d'as Vals de Comapedrosa que abraca una superficie protechida de 15,42 km2. O paisache ye d'alta montanya, con selvas, estanyos y saltos d'augua, a on se preservan a fauna y a flora autoctonas. Parc Natural Comunal del Comapedrosa. Comú de la Massana, 2026.
Historia A primera puyada a o Comapedrosa data d'o 22 de setiembre de 1858. Os protagonistas estioron os seis miembros d'a comisión hispanoandorrana que por ixas envueltas fitaban a muga entre os dos países. Una linia frontalera que pensaban, erroniament, que pasaba por a cema d'o Comapedrosa. Integraban a comisión, o brigadier José Mellid de Bolaño, Antonio de Moner y José López, por parti espanyola, y o sindico Francesc Duran, o subsindico Joan Moles, acompanyaus de Josep Povida, por a parti andorrana. Alt de Comapedrosa (2.942m). Comú de La Massana, 2026. El Comapedrosa, per als andorrans. El Periòdic d'Andorra, 28 de chinero de 2013.
Rota Ye un d'as cemas favoritas d'os montanyers y esquiadors, encara que a suya puyada por a rota normal no ye tecnicament dificil, sí que ye pesorada. A o piet d'os suyos versants se i troban cuantos ibons y estanyos, como o estanyo Negre en o versant andorrano y os estanyos de Baiau, ya en o Pallars Sobirán, en o termin municipal d'Alins.
O refuchio de Coma Pedrosa ye a 2.260 m d'altaria, situau a l'ueste d'a entiba d'o estanyo de les Truites. Se i accede (rota a piet) por a pista d'el Pla de l'Estany que prencipia en l'aparcamento y a zona d'a urbanización de Prats Sobirans en Arinsal. S'arriba o la crucillada a on i hai un indicador enta o refuchio y alto de Comapedrosa. O camín contiga por l'ubago de Comapedrosa, paralelo a o río (marguin dreita), dica a o canto d'o collet de Comapedrosa. Dende o collet s'ha de seguir en dirección sud-este dica o refuchio. [https://refugicomapedrosa.ad/ Refuchio de Comapedrosa, 2022. Mapa Montanyas d'Andorra, mapa topografico y excursionista, full 01, 1:10.000, Gubierno d'Andorra.
Referencias
Carroi Carroi