L'alica d'os postesCon a variant aliga d'os postes. ( (L., 1758)), tamién dito falcón pardo u falcón bruno (anque no ye un verdadero falcón), ye un ave de presa d'a familia Accipitridae de mida meyana (51–57 cm de lonchitut, y 110–130 cm d'amplaria d'alas) que habita por tot una ampla marguin de territorios d'Europa occidental dica Asia. Ye la especie tipo d'o suyo chenero, Buteo, a demás d'estar una d'as aves rapinyaderas mas frecuents d'Europa.
As zonas en do se troben fincas obiertas gosan ser un buen hábitat ta ista especie, encara que s'estima mas os puestos d'os cuals se troben arbolaus u corroldos d'árbols prou a man. Tiene predilección por a nidificación a l'alto d'árbols que faigan parte d'una selva u bosquillón minimo, y no pas por os árbols isolaus como sí que la i tienen as grans rapaces. Ye un ave cazadera d'animals chicoz, como zorces, esgardachos, paixaros y altros vertebraus, anque de tanto en tanto se'n i puede veyer fendo mincha d'os carnuzos albandonaus.
Ista especie tiene una variación de colors muit mas ampla que no altras especies de rapinyaderas, y por ixo a sobén s'entivoca con os caracters de bellas altras especies d'aves d'a familia como l'azor (Accipiter gentilis) u l'alica d'os postes d'o norte (Buteo lagopus). Por un regular, a o uello d'un inexperto, a millor manera de saber que se tracta d'iste animal cuan se'n vei un ye por a color d'a suya cara, mas fosca que no en l'azor, y con a francha fosca d'a redol d'os uellos mas difusa en a color cheneral d'a cara que no en altras aus de presa. En volido, a coda arrondolada fa que sigan clarament diferenciables d'os suyos parients os alforrochos d'o chenero Milvus.
O reclamo ye caracteristico, y se pareix a'l miular d'os gatos domesticos.
Imáchens
Notas
Referencias
Vinclos externos
Buteo Categoría:Aus d'Aragón Categoría:Fauna d'Andorra Categoría:Fauna d'os Pireneus