Abellada ye un lugar aragonés despoblato d'a provincia de Uesca situato en o municipio de Samianigo, en a comarca de l'Alto Galligo. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, , p.4
Cheografía Se troba situato en l'extremo sudoriental d'o termin municipal de Samianigo, en a versant norte d'a sierra de Guara, a lo piet d'o barranco d'Abellada, un afluent d'o río Guatizalema, en a parzana conoixita como a Guarguera, por o nombre d'o río Guarga, a 1.221 metros d'altaria sobre o livel d'a mar.
O nuclio urbán ye constituito por tres casas, situatas transversalment respecto a la ilesia, que se troba dica o sud, o que apareixe en a morfolochía urbanistica de belluns d'os lugars de Sarrablo.
Comunicacions No bi ha carretera engudronata ta plegar ta o lugar, a on s'accede por meyo d'un camín forestal que sale d'o puerto de Monrepós y puya enta l'este por as alturas d'a sierra de Belarra, en o Parque Natural d'a Sierra y as Foces de Guara, pasando primero por Ibirque, ta continar dica Abellada y, d'astí, dica Azpe, a on remata. Una atra branca lateral la conecta con un camín pareixito y paralelo a l'anterior dende a N-330 Uesca-Samianigo a l'ueste dica Bara a l'este.
Población En el sieglo XVI Abellada teneba cuatro fuegos, quedando despoblato dende os anyos 1960. Garcés, José; Gavín, Julio; Satué, Enrique (1997-06) La arquitectura popular en las distintas áreas de Serrablo. Generalidades y descripción de sus núcleos.. Serrablo. número 104, año XXVI Asociación d'Amigos de Sarrablo
Patrimonio cultural Ilesia romanica de Santa María, hue en runas. Ye protechita legalment con a suya declaración como Bien d'Intrés Cultural. Crismón tamién romanico, d'o sieglo XII, actualment alzato en o Museu Ángel Orensanz y Artes de Sarrablo. Manimenos, bi ha dandalos de si en realidat procede d'o monesterio de Sant Chuan d'a Penya. Abellada (Huesca). Iglesia de Santa María Catálogo de Crismones.
Referencias
Vinclos externos Abellada en www.despobladosenhuesca.com
Categoría:Lugars de Samianigo Categoría:Lugars d'a provincia de Uesca Categoría:Despoblaus d'a provincia de Uesca Categoría:Localidaz d'a diocesi de Uesca en l'Alto Galligo