Roncal (en basco Erronkari) ye un municipio de Navarra situato en a merindat de Sangüesa, comarca de Roncal y Sarasaz y partiu chudicial d'Aoiz. Ye a cabecera y capital d'a val de Roncal y tien a categoría de "villa ".
A suya población ye de 271 habitants (2008), en una superficie de 38,8 km², con una densidat de población de 6,98 hab/km².
Cheografía Ye situato en o nord-ueste de Navarra, en os Pireneus, a 720 metros d'altaria sobre o livel d'a mar, a o canto d'o río Esca y a una distancia de 90 km de Pamplona, a capital de Navarra.
Cultura Se i charraba d'antis mas como en a resta d'a val o dialecto roncalés d'o basco, amortato dende l'anyo 1991 cuan morió a suya zaguera fablant nativa Fidela Bernat.
Economía A prencipal actividat economica de Roncal ye a ganadería, con a fabricación de queso (o roncal, feito con leit de uella, con Denominación d'Orichen Protechita dende 1991).
Demografía
Administración Alcaldes Lista d'alcaldes Lechislatura Nombre Partiu politico1979–1983 1983–1987 1987–1991 1991–1995 1995–1999 1999–2003 Agapito Boj Garate Independient2003–2007 Agapito Boj Garate Independient2007–2011 Agapito Boj Garate Independient
Molimentos Ilesia de Sant Esteban, d'o sieglo XVI, una ilesia en estilo gotico-renaixentista, con retablos barrocos y churriguerescos y con un coro d'o sieglo XVIII tamién d'estilo barroco. Ermita de Nuestra Sinyora d'o Castiello, con una escultura d'a Virchen María de fins d'o sieglo XII en estilo romanico. Dolmen de Lubrakieta. Casa López, de 1777. Casa Gambra, un edificio de 1739 en estilo barroco. Casa Sanz Orrio, d'o sieglo XVIII, con frontera barroca.
Personas famosas naixitas d'ista localidat Julián Gayarre, (1844 - 1890), tenor. Fructuoso Orduna, (1893 - 1973), escultor. Sebastián de Albero, (1722- 1756), musico.
Se veiga tamién Lista de municipios de Navarra
Referencias
Categoría:Localidaz de Navarra