Iste articlo ye sobre un río d'a peninsula Iberica; ta atros usos, se veiga Ebro.

250px|thumb|Mapa d'a cuenca d'Ebro, con os suyos afluents thumb|250px| Vista d'o río Ebro y o Puent de Piedra dende a torre d'o campanal d'a Basilica d'o Pilar.

O río Ebro (en catalán Ebre) ye o río mas cabaludo d'a Peninsula Iberica, recorre a val d'o suyo nombre en dirección nord-ueste-sud-este. Tien una longaria total de 910 km y 83.093 km² superficie de cuenca.

Naixe en Fontibre (d'o latín Fontes Iberis, Fuents de l'Ebro, en griego Έβρος) amán de Reinosa, en a Comunidat Autonoma de Cantabria, pasando por Miranda d'Ebro, Haro, Logronyo, Tudela, Alagón, Zaragoza, Mequinenza y Tortosa.

Os prencipals macizos montanyosos que amugan a suya cuenca son: os Pireneus a lo norte, o Sistema Iberico a lo sud y os Picos d'Europa en o suyo naixedero.

Desemboca en o mar Mediterranio en Deltebre (Delta d'Ebro), a mán de Tortosa y d'Amposta (zaguera ciudat por a que pasa) (Tarragona), formando un Delta a on a Isla de Buda divide a corrient en dos brazos prencipals (Golas Norte y Sud). O Delta d'Ebro cubre 330 km², un 20% d'os cuals son arias naturals y a resta ye superficie agricola y urbana; os campos de roz en o Delta cubren unas 21.000 ha.

L'Ebro tien as suyas creixitas mas cutianas en a estación freda, d'octubre a marzo, anque a vegatas se producen incluso en mayo con influencia d'o mayenco en os Pireneus. As baixatas se producen en estiu: de chulio a octubre, en Miranda d'Ebro y de remates d'agosto a primers de setiembre en Tortosa.

As auguas de l'Ebro s'aproveitan en muitos puntos ta o regano por meyo d'as canals Imperial y de Taust. O suyo cabal ye regulato por os entibos de l'Ebro, Mequinenza y Ribarroya. Istos entibos fan que en l'actualidat en o Delta se produzca un fenomeno cheolochico clamato regresión, porque aturan os sedimentos que deberban arribar a la desembocadura.

O suyo nombre deriva de l'antigo toponimo Iber, que da tamién nombre a los lugars ibers. En basco "ibar" significa ribera u márguin d'o río.

Datos basicos thumb|250px|A Basilica de Nuestra Sinyora d'o Pilar y o puent de Piedra sobre o río Ebro en Zaragoza, a capital d'Aragón. Situación cheografica: Norte d'Espanya, trescruza as comunidaz de Cantabria, Castiella y Leyón, La Rioja, Navarra, Aragón y Catalunya Orichen : En primerías bi heba una cuenca sedimentaria entre cordeleras alpinas (Pireneus, Sistema Iberico y Catalanides que se plenó de sedimentos provinients d'estas cordeleras y que a zaguers d'o terciario encomenzó a desauguar enta la Mar Mediterrania, producindo-se un encaixamiento d'un rete fluvial en ixos materials sedimentarios que condució a la formación de diferents cursos d'augua que actualment son l'Ebro y los suyos afluents. Naixedero: tradicionalment o naixedero yera en o manantial de Fontibre a 880 m. Hue se diz que ye exactament en as fuents d'o río Ixar en Penyalabra a 1.980 m, 27 km antis de Reinosa, corrient que viene d'o manancial. Desembocadura: Mar Mediterranio. O Parque Natural d'o Delta d'Ebro fue creyato en 1983 por a Cheneralidat de Catalunya. Ye a zona humida mas important de Catalunya con una superficie total de 7802 hectarias. Largaria: 910 km

Afluents prencipals 250px|thumb|L'Ebro a o suyo paso por Miravet. Por a ezquierda Río Nela Río Xerea Río Bayas Río Zadoya Río Ega Río Aragón 1300 hm³/anyada, sin contar l'aportación de l'Esca Río Candanchú Río Estarrún Río Aragón Subordán Río Veral Río Esca Río Onsella Río Irati Río Arga 250 hm³/anyo Río Arba Río Galligo 1000 hm³/anyo Río Aurín Río Escarra Río Caldares Río Aguas Limpias Tien l'entibo d'a Sarra Río Guarga Río Asabón Río Sotón Río Segre Río Balira Río Noguera Río Noguera Pallaresa Río Noguera Ribagorzana 700 hm³/anyada Volumen regulato por os entibos Escales, Canellas y Santa Ana Río Cinca 1615 hm³/anyada Volumen regulato por l'entibo de Lo Grau Río Esera 950 hm³/anyada Río Isabana

Por a dreita Río Oca. Río Tirón. Río Glera. Río Nacheriella Tien l'entibo de Mansilla. Río Iregua. Río Lumbreras Tien l'entibo de Pajares. Río Montenegro. Río Albercos Tien l'entibo de González Lacasa. Río Blanca. Río Leza. Río Jubera. Río Cidacos. Río Alhama. Río Añamaza. Río Linars. Barranco La Canyellada. Río Queiles 20 hm³/anyada. Río de la Uecha 40 hm³/anyada. Río Xalón 650 hm³/anyada. Río Aranda. Río Isuela. Río Griu. Río Ribota. Río Xiloca. Río de Barrachina. Río Piedra Tien l'entibo de La Tranquera. Río Nágima. Río Deza. Río Manubles. Río Uerba 35 hm³/anyada Tien os entibos de Mezalocha y Las Torcas. Río Aguas 35 hm³/anyada Tien os entibos d'Almochuel y de Moneba. Río Moyuela. Río Martín 60 hm³/anyada Tien l'entibo de Cueva Foradada. Río Guadalop 250 hm³/anyada Tien os entibos de Calanda de 54,2 hm³ de capacidat y Santoleya de 54 hm³ de capacidat. Río Alcherez. Río de Calanda Tien l'entibo de Gallipuén de 4,4 hm³ de capacidat. Río Matarranya 50 hm³/anyada. Río Pena. Río Tastavins. Río Algars.

Entibos Entibo d'Ebro en su curso alto.

Entibos de Mequinenza y Ribarroya en lo suyo curso baixo.

Canals Canal de Lodosa. Canal Imperial d'Aragón. Canal de Taust. Canal de Bardenas. Canal de Monegros. Canal d'a Cinca. Canal d'Aragón y Catalunya.

Producción hidroelectrica En Aragón se troban instalatas: 74 centrals en a provincia de Uesca con una potencia instalata de 847.297 kW con una producción d'electrecidat de 2.787.000.000 kW/h. 30 centrals en a provincia de Zaragoza con una potencia instalata de 372.437 kW con una producción d'electrecidat de 761.000.000 kW/h. 34 centrals en a provincia de Teruel con una potencia instalata de 24.135 kW con una producción d'electrecidat de 28.000.000 kW/h.

Rechimen fluvial L'Ebro ye un río cabaludo pero con un cabal irregular, a remates d'estiu tien cerenyas baixatas y en primavera, con o mayenco en os Pireneus tien o suyo maximo cabal. En Tortosa ha arribato a tener un caval de 32m³/s en periodo d'ixuquera y se superoron os 10.000 m³/s en bella creixita.

As prencipals inundacions en Zaragoza dende remates d'o sieglo XIX son: marzo 1888 3.760 m³/s chinero 1891 3.250 m³/s febrero 1892 3.790 m³/s chinero 1895 3.118 m³/s marzo 1930 3.600 m³/s aviento 1930 3.000 m³/s octubre 1937 3.000 m³/s chinero 1941 4.000 m³/s febrero 1952 3.260 m³/s chinero 1961 4.130 m³/s noviembre 1966 3.154 m³/s febrero 2003 2.957 m³/s marzo 2003 2.220 m³/s abril 2007 2.282 m³/s

Curiosidaz Os ríos Isuela (río de Uesca afluent d'o Flumen; río de Zaragoza afluent de l'Aranda) y Cidacos (con a mesma pronuncia y diferent grafía en espanyol: Cidacos río riojano y Zidacos, río navarro) son afluents con o mesmo nombre, por a marguin dreita y por a ezquierda.

Se veiga tamién Cheografía d'Aragón. Cheografía d'Espanya. Batalla de l'Ebro.

Vinclos externos Endicación Cheografica Protechita "Roz d'o Delta de l'Ebro". Confederación Hidrografica de l'Ebro. Prochecto VoluntaRíos (Zaragoza).

*