Embún ye un lugar aragonés situau en lo municipio de la Val d'Echo, en la comarca de Chacetania, provincia de Uesca y partiu chudicial de Chaca.
Cheografía Embún ye situau sobre un tozal en a parti dreita de lo río Aragón Subordán, a cantos de lo barranco de Betatos, afluent de lo río Aragón Subordán, en la parti sud de lo termin municipal de la Val d'Echo, amán de la muga con o termin municipal de Puent de la Reina de Chaca.
Clima A suya temperatura anyal ye 11.42 °C, con una temperatura meya en chinero de 4.04 °C y en chulio de 20.22 °C. "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).
Historia Seguntes Agustín Ubieto Arteta, la primera cita de lo lugar ye de 867, recollida en a obra d'Antonio Ubieto Arteta Cartulario de Siresa (en Textos Medievales, 2, Valencia, 1960), y documenta las formas Embún, Embune, Empune y Imbuni. Ubieto Arteta, Agustín: Toponimia aragonesa medieval, Valencia, 1972.
Gastronomía En la ripera d'iste río ye la huerta d'Embún, famosa por lo cultivo de los "boliches d'Embún", una chicota chudieva blanca muit apreciada en Aragón. www.jaca.com/embun.htm
Son famosas tamién como plato tipico las migas d'Embún, que son una variant de las tipicas migas de pastor populars en gran parti de lo Pireneu Aragonés.
Molimentos Ilesia de Sant Martín d'Embún, una ilesia en estilo renaixentista adedicada a Sant Martín, que ye la ilesia parroquial d'o lugar.
Referencias
Vinclos externos Imáchens d'Embún
Categoría:Lugars d'a provincia de Uesca Categoría:Lugars d'a Val d'Echo Categoría:Localidaz d'a diocesi de Chaca en a Chacetania