Wolfgang Amadeus Mozart, naixiu como Johannes Chrysostomus Wolfgangus Theophilus Mozart,Pronunciau en alemán: . O suyo nombre fue adaptau a distintos idiomas por lo que ye conoixiu tamién baixo diferents versions. de Salzburgo (Austria) lo 27 de chinero de 1756 y falleixiu en Viena (Austria) lo 5 d'aviento de 1791, estió un compositor y pianista austriaco (encara que por ixas envueltas a ciudat de Salzburgo yera un arcebispau independient que feba parte d'o Sacro Imperio Romano Chermanico), mayestro d'o Clasicismo y considerato como un d'os musicos mas influyents y destacaus d'a historia.
A obra de Mozart abraca toz os cheneros musicals d'a suya epoca y ye formada por mas de seiscientas creyacions, a mayoría reconoixidas como obras mayestras d'a musica simfonica, concertante, de cambra, ta piano, operistica y coral, logrando una popularidat y difusión universals.
Dende la suya nineza en Salzburgo, Mozart amostró una capacidat prodichiosa en o dominio d'instrumentos de teclau y d'o vriolín. Con nomás que cinco anyos feitos ya componeba obras musicals y las suyas interpretacions yeran admiradas por l'aristocracia y la reyaleza europeas. A los decisiet anyos fue achustau como musico en a cort de Salzburgo, pero luego s'estimó mas de viachar en busca d'una millor posición, siempre fendo sobrebuenas composicions. Mientres a suya vesita enta Viena en 1781, dimpués d'estar feito fuera d'o suyo treballo en a cort, decidió d'instalar-se en ista ciudat, a on que estió famoso mientres a resta d'a suya vida, atamas de pasar por situacions financieras difícils. En os suyos zaguers anyos, composó muitas d'as suyas sinfonías, conciertos y operas mas conoixidas, asinas como lo suyo Réquiem. A causa d'a suya temprana muerte ha estau siempre obchecto de debate.
Obras "As vodas de Fígaro" (conchuntament con Lorenzo Da Ponte). "Così fan tutte" (conchuntament con Lorenzo Da Ponte). "Don Juan" (conchuntament con Lorenzo Da Ponte). "A flauta machica" (conchuntament con Emanuel Schikaneder).
Referencias
Se veiga tamién Cancions con musica de Wolfgang Amadeus Mozart.
Vinclos externos
Categoría:Compositors d'Austria Categoría:Compositors de musica clasica Categoría:Muertos en Viena Categoría:Musicos d'Austria Categoría:Musicos de musica clasica Categoría:Naixius de Salzburgo Categoría:1756 (naixencias) Categoría:1791 (muertes)