Marcelino Iglesias Ricou (Bonansa, Uesca, 16 d'abril de 1951) ye un politico aragonés d'o PSOE, president d'o Gubierno d'Aragón dende 1999. Ye treballador autonomo, ye casau y tien dos fillos.
Biografía Mientres a suya nineza estió muit ligau a o medio natural, ya que o suyo pai teneba una vaquería y que creixió siempre rodiau d'o paisache d'os Pireneus. En rematar o colechio (estudios de secundaria realizaus en o seminario de Balbastro), fació estudios superiors en o seminario de Uesca mientres un curso, antis de decidir-se definitivament por l'actividat empresarial.
Carrera política Empecipió estando alcalde de Bonansa, en Ribagorza, dende 1983. Dimpués, estió president d'a Deputación Provincial de Uesca dende 1987 dica 1995; Marcelino Iglesias Ricou en a pachina web d'as Corz d'Aragón. dende ista institución se convirtió en un d'os prencipals empentadors d'o turismo rural en Espanya, fendo de l'Alto Aragón una rechión pionera en tot o estau.
Marcelino Iglesias ocupó a Secretaría d'o PSOE-Aragón en Uesca dica o Congreso Provincial celebrau en marzo de 2001. Ye secretario rechional d'o PSOE-Aragón dende o mes d'aviento de 2000 y dica abril de 2012 y deputau en as Corz d'Aragón, a on preside o grupo parlamentario socialista dende as eleccions de 1995 dica a suya salida d'o parlamento aragonés en 2011.
Fa parti d'a Executiva Federal d'o PSOE y presidió o 35º Congreso Federal en o que José Luis Rodríguez Zapatero estió esleito secretario cheneral d'o partiu.
En febrero de 2002 resultó esleito en Bruselas miembro d'a mesa d'o Comité d'as Rechions y Chefe d'a Delegación Espanyola debant d'o mesmo Comité.
President d'a Deputación Cheneral d'Aragón (1999-2011) V Lechislatura (1999-2003) O Partido Popular ganó as eleccions autonomicas d'o 13 de chunio de 1999, quedando o PSOE-Aragón en segundo puesto, o Partido Aragonés en tercer puesto, Chunta Aragonesista en cuatreno puesto y Ezquierda Unida en cinqueno puesto. Manimenos un alcuerdo d'o PSOE con o PAR fació que dimpués d'o Debat de Investidura celebrau en as Corz d'Aragón os días 28 y 29 de chulio de 1999, Iglesias obtenese a mayoría absoluta d'a Camara, prenenendo posesión d'o suyo cargo como President d'o Gubierno d'Aragón o 2 d'agosto de 1999.
VI Lechislatura (2003-2007) En as elecciones autonomicas de 2003 Iglesias repetirá como presidente y podrá elegir con quién pactar gano a o frent d'o PSOE-Aragón. Dimpués d'a sesión d'investidura feita o 5 de chulio de 2007, tornó a estar eslechiu president d'o Gubierno d'Aragón con os votos a favor d'o suyo partiu y o refirme d'o Partido Aragonés, con os votos en contra d'o Partido Popular y Chunta Aragonesista y l'abstención d'Ezquierda Unida d'Aragón.
VII Legislatura (2007-2011) Tornaría a ganar por segunda vegada consecutiva en as eleccions a Corz d'Aragón de 2007, formando o suyo tercer gubierno con os votos a favor d'o suyo partiu y o refirme d'o Partido Aragonés y con os votos en contra d'o Partido Popular, Chunta Aragonesista y Ezquierda Unida d'Aragón.
O 28 de setiembre de 2008 anunció que no concorrería como candidato en as proximas elecciones a celebrar en 2011. La alavez secretaria d'Estau d'Educación, Eva Almunia, le sustituyó como candidata a la Presidencia d'a Deputación Cheneral. En ditas eleccions o PSOE baixó de 30 a 22 escanyos en as Corz d'Aragón, perdendo o gubierno, encara que Iglesias fue eslechiu deputau por Uesca en la camara autonomica.
Secretario d'Organización d'o PSOE Dende o 23 d'octubre de 2010 dica marzo de 2012, estió o Secretario d'Organización d'o Partido Socialista Obrero Español substituindo a Leire Pajín, que pasa a ser ministra de Sanidat, dimpués de que o president d'o Gubierno d'Espanya, José Luis Rodríguez Zapatero, anunciara una funda reforma en o suyo gobierno. Asinas Iglesias ye ratificau por o Comité Federal en dito cargo y se converte, asinas, en o numero tres d'o PSOE a livel estatal por dezaga de Rodríguez Zapatero (secretario cheneral d'o partiu) y José Blanco (vicesecretario cheneral). En a executiva d'o Partido de los Socialistas de Aragón ye substituyiu por Javier Lambán. Zapatero nombra a Marcelino Iglesias como nuevo secretario de Organización del PSOE, en o diario 20minutos.
Vida posterior Portavoz en o Senau Dimpués d'albandonar a presidencia d'Aragón, fue designau senador por as Corz d'Aragón, incorporando-se a la Camara Alta. En aviento de 2011 fue nombrau portavoz d'o grupo d'o PSOE en o Senau d'Espanya, cargo que mantenió dica septiembre de 2014.
O 23 d'abril de 2012, fue galardonado con a Medalla d'Aragón.
Referencias
Se veiga tamién Primer Gubierno Iglesias Segundo Gubierno Iglesias Tercer Gubierno Iglesias
Categoría:Alcaldes d'o Partido de los Socialistas de Aragón Categoría:Alcaldes de Bonansa Categoría:Catalanoparlants d'Aragón Categoría:Deputaus en as Corz d'Aragón por a circumscripción electoral de Uesca Categoría:Deputaus en as Corz d'Aragón por a circumscripción electoral de Zaragoza Categoría:Deputaus d'a III Lechislatura d'as Corz d'Aragón Categoría:Deputaus d'a IV Lechislatura d'as Corz d'Aragón Categoría:Deputaus d'a V Lechislatura d'as Corz d'Aragón Categoría:Deputaus d'a VI Lechislatura d'as Corz d'Aragón Categoría:Deputaus d'a VII Lechislatura d'as Corz d'Aragón Categoría:Deputaus d'a VIII Lechislatura d'as Corz d'Aragón
Categoría:Naixius de Bonansa Categoría:Politicos d'Aragón Categoría:Politicos d'o Partido de los Socialistas de Aragón Categoría:Presidents d'a Deputación Cheneral d'Aragón Categoría:Presidents d'a Deputación Provincial de Uesca Categoría:Secretarios chenerals d'o Partido de los Socialistas de Aragón Categoría:Senadors por designación d'as Corz d'Aragón Categoría:Senadors d'a IX Lechislatura d'Espanya Categoría:Senadors d'a X Lechislatura d'Espanya Categoría:Senadors d'a XI Lechislatura d'Espanya Categoría:Senadors d'a XII Lechislatura d'Espanya Categoría:Senadors d'a XIII Lechislatura d'Espanya Categoría:1951 (naixencias)