Albanyà (Albanyà en catalán y oficialment, Albañá en castellano) ye un municipio catalán situato en a comarca d'Alto Empordán y partiu chudicial de Figueras, en a provincia de Chirona.
A suya población ye de 149 habitants (2010), en una superficie de 94,43 km² con una densidat de población de 1,60 hab/km².
Cheografía Albanyà ye situato a 239 metros d'altaria sobre o livel d'a mar, a una distancia de 23 km d'a ciudat de Figueras, a capital d'a suya comarca y partiu chudicial; a 72 km de Chirona, a capital d'a suya provincia (provincia de Chirona) y a 163 km de Barcelona, a capital de Catalunya.
D'o suyo termin municipal fan parte os lugars de Bassegoda, Carbonills, Cursuvell, Lliurona, Molí de Baix, Molí de Dalt, Pincaró, Ribelles y Sous.
O termin municipal d'Albanyà ye trescruzato por o sender de Gran Recorrito GR 11 y por dos rutas BTT. Información d'o turismo d'a Naturaleza en a pachina web d'o Consorcio Salines-Bassegoda.
Historia Encara que o territorio d'Albanyà yera habitato en l'antigüidat (bi ha restas arqueolochicas megaliticas), a primera cita documentata d'o lugar ye de 844, con o nombre d'Albanianum, en un diploma d'o rei franco Carlos II O Calvo que cedeba tierras a l'abat Domnulo, que estió o fundador en o lugar en 820 d'uno d'os monesterios benedictinos mas antigos de Catalunya, o monesterio de Sant Per d'Albanyà, que dende 869 pendió d'o monesterio de Santa María d'Arles, en o Vallespir.
Economía A prencipal actividat economica d'Albanyà estió historicament l'agricultura, con cerials, trunfa, legumbres u ferraina; amás amás d'a ganadería.
Bi habió tamién silvicultura, incluyindo-ie a elaboración de carbón vechetal, encara que a industrialización fació desapareixer ista actividat.
O incremento d'o turismo y d'atras actividaz d'ocio (recollida de fongos u cazata) ha desarrollato modernament, dende a segunda mitad d'o sieglo XX, o sector d'a hostelería.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Resultatos d'as eleccions municipals de 2011 en Albanyà en a pachina web d'o Ministerio d'o Interior. Convergència i Unió - 5 3 5 5 5 5 - 3 Independients 5 - 2 - - - - 5 2En a candidatura de Progrès Municipal, vinculada a o Partit dels Socialistes de Catalunya. Total 5 5 5 5 5 5 5 5 5 Fuent: MUNICAT, en a pachina web d'a Generalitat de Catalunya.
Alcaldes Lista d'alcaldes Lechislatura Nombre Partiu politico1979–1983 1983–1987 1987–1991 1991–1995 1995–1999 1999–2003 2003–2007 2007–2011 Vicenç Campsol i Terrades Independient
Demografía
Molimentos right|thumb|250px|A Portalada d'a ilesia de Sant Andreu de Lliurona, d'estilo romanico (sieglo XII). Sepulcre d'a Creu de Principi, molimento megalitico. Ilesia de Sant Vicient de Principi, en ruinas, d'estilo romanico, d'o sieglo IX. Ilesia parroquial de Sant Per d'Albanyà, d'estilo romanico, d'o sieglo X. Ye o repui de l'antigo monesterio benedictino d'o sieglo IX fundato por o monche Domulo en 844. Ilesia de Sant Miguel de Bassegoda, d'estilo romanico d'o sieglo XII, que ye restaurata. Tien una unica nau con vuelta de canyón apuntato y abside semicircular, con portalada orientata a meyodía y campanar con espadanya. Ilesia de Sant Martín de Corsavell. Casal fortificato de Corsavell, d'o sieglo XII. Ilesia de Sant Chuan de Baussols, d'o sieglo XIV, albandonata dende 1910 por a cayita d'un rayo. Ilesia de Sant Feliu de Carbonills, d'o sieglo XIV, con repuis de pintura romanica en o suyo interior. I provién una lapida d'o sieglo XIII que ye en Sant Per d'Albanyà. Ilesia de Sant Cristoforo dels Horts, documentata en 990. Ilesia de Sant Cornel d'a Muga u de Ribelles. A suya nau ye enrunata, anque l'abside ye en piet. Ilesia de Sant Bertolomeu de Pincaró, d'o sieglo XII. Ilesia de Sant Andreu de Lliurona u Llorona, d'o sieglo XII. Santuario d'a Virchen del Mont. Remodelato en 2002. Santuario d'a Virchen del Fau, Virchen de les Formigues u de les Alades, d'o sieglo XV. Conserva o suyo retablo neclasico. Monesterio de Sant Lorient del Mont (u de Sous), d'o sieglo XI y en estilo romanico. Jaime Cobreros Aguirre: Las rutas del románico en España. Volumen II: Aragón, Cataluña, Navarra, País Vasco y La Rioja, Grupo Anaya, S.A., Madrit, 2004, 1era edición, , p.132. Ye en a plana de Sous, en a ladera d'a montanya d'a Virchen del Mont.
Referencias
Vinclos externos
Pachina web oficial municipal d'Albanyà. Información d'Albanyà en a pachina web d'a Cheneralidat de Catalunya. Información d'Albanyà en a pachina web de l'Institut d'Estadística de Catalunya. Monesterios de Catalunya: O monesterio de Sant Per. Rutas d'a Natura en Albanyà en a web d'o Consorcio Salines-Bassegoda. Información y imáchens d'Albanyà en a pachina web d'o Consorcio Salinas-Bassegoda. Pachina web d'o Consorcio de l'Alta Garrotxa.
Categoría:Localidaz d'a provincia de Chirona