Hiroshima (広島市, 'Hiroshima-shi', en chaponés) ye una ciudat chaponesa en a rechión de Chūgoku y prefectura de Hiroshima, d'a cual en ye la suya capital.
Hiroshima tien una superficie de 905,01 km², una población d'1.173.980 habitants (2010) y una densidat de población de 1.297,2 abs/km².
Cheografía Hiroshima ye situada a lo canto d'o río Ota y d'a mar interior de Seto.
Historia Hiroshima fue establida en a costa norte d'a mar interior de Seto en 1589 por o sinyor feudal Terumoto Mori, qui fació tamién construir un castiello, o castiello d'Hiroshima, en a mayor d'as islas fluvials d'o río Ota, nombre que prenió en os suyos primers tiempos a ciudat. Cuan Teremuto Mori fue redotau lo 20-21 d'octubre de 1600 en a batalla de Sekigahara por as tropas d'Ieyasu Tokugawa, o primer shogun d'o Chapón, iste li prenió a mayor parte d'os suyos territorios, entre os cuals Hiroshima y lo suyo castiello, que cedió a Masanori Fukushima.
No se convertió en formalment una ciudat dica l'Era Meichi, lo día 1 d'abril de 1889. Yera en ixas envueltas una important base naval de l'Armada Imperial chaponesa, con un papel de primer orden mientres a primera guerra chino-chaponesa en 1894-1895, papel que mantenió dica rematar a Segunda Guerra Mundial
Mientres a Segunda Guerra Mundial, a ciudat d'Hiroshima fue bombardiada por a United States Army Air Forces estausunidense con una bomba atomica o 6 d'agosto de 1945, en os bombardeyos atomicos sobre Hiroshima y Nagasaki.
Molimentos Santuario d'Itsukushima, Patrimonio d'a Humanidat. Memorial d'a Paz d'Hiroshima, Patrimonio d'a Humanidat. Castiello d'Hiroshima.
Ciudaz achirmanadas 22px Chongqing (China). 22px Daegu (Corea d'o Sud). 22px 1983: Hannover (Alemanya). 22px Honolulu (Estaus Unius). 22px Mont-reyal (Canadá). 22px Volgogrado (Rusia). 22px Mexicali (Mexico).
Vinclos externos
Pachina web municipal. Museu d'a Paz d'Hiroshima.
*