Ghawgha Taban ye una cantante y compositora afganistana.
Trayectoria Creció ente Afganistán ya Irán. En 2016, empezó a dedicase profesionalmente a la música. Mientres estudiaba Derechu, embarcóse nun viaxe musical per países onde cantar taba prohibíu por llei. En 2018, mientres les negociaciones de paz en Doḥa, compartió los sos cantares nes redes sociales, atrayendo l'atención mundial. La so música caló especialmente nes rexones de fala persa, lo que repercutió en qu'afganos ya iraninos que cantaren, baillaren y compartieren la so música.
Les lletres de los sos cantares denuncien el sufrimientu social polos conflictos y la situación de les neñes y muyeres n'Afganistán. En 2019, musicó el poema I Kiss You Amid the Taliban de Ramin Mazhar nel que celebraba les llibertaes ganaes pola nueva xeneración n'Afganistán antes de la toma del poder polos talibanes en 2021. Tamién llanzó "Tabassum" dedicada a los neños que sufrieron la guerra. Dalgunos de les sos temes convirtiéronse n'himnos pola resistencia contra los talibanes.
Tres la ofensiva talibana de 2021, treslladóse a una residencia p'artistes en situación de riesgu en Noruega, nel marcu del programa ICORN. En 2023, actuó na ceremonia d'entrega del Premiu Nobel de la Paz.
Reconocencies En 2021 foi escoyida como una de les 100 muyeres más inspiradores pola BBC.
Referencies
Enllaces esternos
Categoría:Cantantes d'Asia Categoría:Persones d'Afganistán