Enrique Collado Cangas , conocíu como "El Bique" o "Bique",Lombardía Gónzález, A. (2007). “Averamientu a la tradición del vigulín n’Asturies”. Asturies, Nº 24 foi un vigulineru asturianu.

Biografía Nació en L'Esllavayu, parroquia de Llibardón, en conceyu Colunga.

Nun recibió estudios musicales, polo que deprendió él solu a toca' l violín de oidu, escuchando les canciones, bien en diretu bien en la radio, y tratando de imitales col so instrumentu.

Enseguida entamó a dir per toles romeríes cercanes col violín, siendo los conceyos de Colunga, Parres, Piloña y Villaviciosa los principales llugares n' onde se lu podía ver tocar. Durante munchos años tocó un violín mu vieyu, de madera de cerezal con cuerdes feches de tripa de pita y el rabil de rabu d' asturcón.

El oficiu de vigulineru non yera bastante pa ganase la vida, polo que fue una pasión que combinaba col trabayu al campu.

Enos sos años de xoventú yera una persona bastante tenía en cuenta y yera habitual que lu contratasen p' actuar en romeríes, bailes o casorios, llegando a garrar gran fama ente los conceyos del oriente asturianu. Enes sos actuaciones llegó a acompañalu al bombo una sobrina del famosu Gaiteru Lliberdón.

La so fama non fizo más que aumentar a partir de los años 70, cuando El Bique ya yera una persona entrada en años pero siguía acudiendo a les romeríes.

Acudía a les folixes sin falta d' invitación y tocaba 'l violín por unes poques pesetes o por un vasu vinu. La so forma de tocar había empeorau polos años que tenía y p' ancima los conocimientos musicales taben en auge, lo que fecio que la xente empatizase con Bique.

La fiesta de Asturcón fue la fiesta pola que tenía más predileción, pues nunca se la perdíahttps://desimb.blogspot.com/2014/01/el-vique-la-oveya-negra-la-oveya-blanca.html.

Garró muncha fama la so "versión" de la canción "La orilla blanca, la orilla negra" pues el cantaba "La Oveya blanca, la oveya negra" seguramente por entender mal la canción al sintila pola radio.

El Bique siguió tocando en romerées hasta una edá mu alta, pues se sabe que acudió a la fiesta del Asturcón de 1991, cuando contaba ya con casi 90 años.

Bique morrió nel añu 2003, a los 99 años (faltando-y mu pocu pa cumplir los 100). en pueblu onde siempe vivió L' Esllavayuhttps://picafuelle.blogspot.com/2014/11/recordando-vique.html.

Referencies

Enllaces esternos