Juan Castrillón Folgueras foi un militar, políticu,https://www.dipucadiz.es/export/sites/default/archivo_de_la_diputacion_provincial/.galeria_de_ficheros/publicaciones/articulos/archivos_patrimonio_documental_provincia/Conde-Francisco-G.-Censo-Vejer-1860.pdf empresariu y noble asturianu.
Biografía Foi'l cuartu de doce hermanos, nel senu d'una noble familia asturiana que'l so abolengu pertenez a la casa del so apellíu, el so padre foi Juan Castrillón y Arango, y la so madre Josefa Folgueras y López Doriga. Casó con María de los Dolores Mera de Gomar, una moza burguesa de la villa de Vejer de la Frontera heredera d'un estensu patrimoniu de ganadería brava. Tamién foi suegru de León López Francos (Marqués de Francos, Xeneral de Brigada del Cuerpu Mayor del Estáu y Teniente Coronel de Caballería), güelu de Ricardo Shelly Castrillón (abogáu, Presidente de la Diputación Provincial de Cádiz y senador por esa provincia) y suegru de Antonio Eduardo Shelly Calpena (capitán de caballería, ayudante de campu del capitán xeneral de Galicia, diputáu a Cortes y Senador).https://shelly.es/blog/05006-eduardo_shelly_calpena.php
Historial militar Nel añu 1808, cuando taba cursando los sos estudios na Universidá d'Uviéu, apuntóse al Batallón d'Estudiantes del Reximientu d'Infantería por cuenta de la guerra d'independencia española, foi asignáu al reximientu d'Infantería de Cangas de Tinéu y en solo un añu'l Comandante Xeneral de Cantabria concedió-y un escudu de valor y constancia y el grau de Teniente Coronel de los Reales Exércitos pol so comportamientu distinguíu na batalla. Nel añu 1834 yá fuera nomáu Coronel de la Guardia Real y pal añu 1837 yá ocupaba'l cargu Xeneral de Brigada d'Infantería. Amás tamién foi Comandante del Reximientu de Granaderos de la Guardia Real, Capitán de Fusileros del Reximientu d'Infantería y Segundu Teniente del tercer batallón de Reales Guardias Valones.
Los Mera de Vejer Lucía de Gomar y Márquez, vilba de Joaquín de Mera y Manzorro, formó compañía con dos de los sos fíos menores, Antonio José y María Dolores, poco dempués de la muerte del so maríu, asocedida en 1802. Joaquín de Mera y Lucía de Gomar teníen hacia 1780 un capital medianu valoráu nunos trenta o cuarenta mil reales. Hacia 1830, la compañía de Lucía de Gomar y los sos fíos Antonio José y Dolores Mera de Gomar podría disponer d'unos dos millones de reales. Tan sorprendente entorno patrimonial tuvo'l so orixe, en gran midida, na creación d'una ganadería brava familiar, la de los Mera de Vejer https://www.amigosdelpaisvejer.com/ganaderias-bravas-vejeriegas-en-la-primera-mitad-del-s-xix/. Esta sociedá que cuntó cola bona xestión del fíu mayor de la familia, Antonio José de Mera y Gomar, tuvo tamién la collaboración de dos familiares, la madre Lucía de Gomar, qu'alministró y desenvolvió la empresa dende'l fallecimientu del so maríu, y darréu a Dolores Mera que la siguió con ésitu.
El fallecimientu de Lucía de Gomar y Márquez y del so fíu Antonio José de Mera y Gomar en 1834 (con apenes unos meses de diferencia), asitien en llugar privilexáu a Dolores Mera de Gomar, a quien el so hermanu nomara heredera universal de los sos bienes. Dolores, casada coles mesmes col coronel Juan Castrillón Folgueras, vese de secute al frente del patrimoniu de l'antigua compañía Mera-Gomar. En namás cinco o seis años la divisa "Mera de Vejer" tresformaríese en Castrillón.
Distinciones Cruz de la Real y Militar Orde de San Hermenegildo. Cruz de la Real y Militar Orde de San Fernando (1er Clase). Beneméritu a la Patria. Escudu de Valor y Constancia. Cruz d'Exércitu de Reserva d'Andalucía. Cruz del Exércitu Asturianu. Cruz de la Batalla de Tamames. Cruz de la Batalla de Medina del Campo. Cruz de la Batalla de l'Albuera. Cruz de la Batalla de Chiclana. Cruz de la Batalla en Defensa de Tarifa. Cruz de la Batalla del Bloquéu de Pamplona y Bayonne.
Referencies
Enllaces esternos
Categoría:Políticos y polítiques d'Asturies Categoría:Empresarios y empresaries d'Asturies Categoría:Persones de Pravia Categoría:Alumnáu de la Universidá d'Uviéu