Carlos Núñez Maza foi un destacáu aviador y militar asturianu que combatió na Guerra Civil Española en defensa de la Segunda República, formando parte de les Fuerces Aéreas de la República Española (FARE). Durante la guerra desempeñó importantes cargos na aviación republicana.
Biografía
Primeros años y carrera militar Nació en Ḷḷuarca, nuna familia de tradición militar d'orixe aragonés. A los 17 años ingresó na Academia d'Infantería de Toledo, onde se llicenció en 1919. Posteriormente, destináronlu al Protectoráu de Marruecos, participando en la guerra del Rif, onde destacó na Toma de Xauen en 1920. En 1924, en completando un cursu de pilotos na Escuela d'Albacete, inició la so carrera na aviación como capitán d'aviación. En 1930, sufrió un accidente durante un ataque aereu sobre África, quedando gravemente firíu.
La Segunda República y la Guerra Civil Cola proclamación de la Segunda República, Núñez Maza realizó un cursu d'hidroaviones en La Spezia (Italia) y, en 1932, destináronly al aeródromo de Lleón. Metanes la revolución d'Asturies de 1934, foi acusáu d'auxiliar a la rebelión, pero la acusación no se probó y foi amnistiáu darréu les elecciones de 1936. N'abril de 1936, foi nomáu secretariu personal del director xeneral d'aeronáutica, el xeneral Miguel Núñez de Prado, y presidente de la compañía Líneas Aéreas Postales Españolas (LAPE).
Mientres la sulevación militar del 18 de xunetu de 1936, collaboró con Hernández Saravia ya Hidalgo de Cisneros na coordinación de la respuesta republicana. A finales de xunetu, bombardió columnes de sulevaos en Somosierra y nel puertu de Guadarrama. Foi destináu a Los Alcázares, onde organizó una nueva Escuela de pilotos, y a Albacete, para reorganizar l'aeródromu de Los Llanos. En 1937, foi nomáu comandante de la 2ª Rexón Aérea, qu'abarcaba Málaga, Almería, Murcia, Xaén y Albacete. En xunetu de 1937, ascendió a xefe del Estáu Mayor de les Fuerces Aérees de la República Española.
Exiliu y últimos años Al final de la guerra, partió al exiliu a Francia al igual que la so familia y el restu del Gobiernu de Negrín.Suero Roca (1981); M. Teresa; pág. 309 Salió d'España pel aeródromu de Monòver xunto con el xeneral Antonio Cordón, el poeta Rafael Alberti y la so compañera María Teresa León, con destín a Orán. D'ehí treslladóse darréu a París y, más tarde, a Ciudad Lerdo (Durango, Méxicu), onde residió cola su familia. Nel exiliu escribió sobre les sos esperiencies na guerra, incluyendo'l llibru , nel que narra la so esperiencia como prisioneru de guerra darréu un accidente aereu en Marruecos.
Muerte Morrió en Ciudad Lerdo'l 12 d'abril de 1990, a los 91 años d'edá.
Bibliografía Salas Larrazábal, Ramón (2001); Historia del Ejército Popular de la República. La Esfera de los Libros S.L. ISBN 84-9734-465-0 Suero Roca, M. Teresa (1981); Militares republicanos de la Guerra de España. Ediciones Península Ibérica, Barcelona. ISBN 84-297-1706-4 Thomas, Hugh (1976); Historia de la Guerra Civil Española. Círculo de Lectores, Barcelona. ISBN 84-226-0874-X.
Referencies
Enllaces esternos
Categoría:Militares d'Asturies Categoría:Persones de Valdés