thumb|left|Badea Horseshoeen na Islla Magnética
La islla Magnética (del wulguru: Yunbenum) ta allugada al centru oriental del estáu de Queensland, Australia. Alccuéntrase sobro la badea de Cleveland, a 15 kilómetros de la ciudá de Townsville. La islla cunta con 23 sableres y 300 díes soleyeros al añu. La mayor parte de la islla ta so la protección del parque nacional Islla Magnética, que cunta con 27 km² de los 52 km² totales de la islla.
El nome Wulguru de la islla ye Yunbenun. Los primeros relatos europeos sobro ella provienen del capitán James Cook, quien, en 1770, mientres saleaba pola mariña australiana, llamola Islla Magnética, yá que una atracción magnética qu'interfería cola brúxula de la so embarcación paecía emanar d'ella. De magar, esquizóse la zona de la Islla Magnética con diversos preseos p'afayar qué pudo causar l'efectu que Cook reportó, pero nun s'afayó nada. Los nomes locales de la islla son "Islla Maggie", o "La Islla"..
Historia Yunbenun ye la tierra tradicional del pueblu Wulgurukaba. Cuntaba con una población aborixe transitoria muncho primero de la esploración europea de la zona. Cuntaben con campamentos estacionales en delles badees y viaxaben ente la islla y el continente en canoes. Dizse qu'esisten dellos campusantos aboríxenes na islla, pero hasta la fecha nun s'identificaron. Entá pueden atopase basureros y pintures rupestres aboríxenes en delles badees alredor de Yunbenun. El folclore de la tribu local Wulguru rellata una llarga vinculación cola islla y migraciones añales al continente pa evitar les espediciones de cazadores de cabeces procedentes de Papúa Nueva Guinea y l'estrechu de Torres, qu'aprovechaben los vientos alisios del norte pa viaxar escontra el sur a lo llargo de la mariña de Queensland. Esta caza de cabeces casi cesó tres la llegada de los misioneros, lideraos por Samuel MacFarlane, al estrechu de Torres en 1871.Britannica, Magnetic Island, Queensland, Australia
Segunda Guerra Mundial La Islla Magnética convirtióse nuna importante posición defensiva mientres la Segunda Guerra Mundial por cuenta de la so proximidá a Townsville, una importante base militar, ya les sos vistes sobro la badea de Cleveland, un importante puntu de anclaje y xunta pa grandes flotes y convóis qu'operaben nel Pacíficu Sur. Por ello, la Batería Magnética (tamién conocida como Los Fuertes), una batería d'artillería y puestu d'observación, construyéronla nel interior de les badees Florence, Horseshoe y Arthur. La badea Picnic tamién convirtióse nun popular campamentu de descansu y relaxación pa les fuerces de defensa tres tomar la posesión d'un complexu turísticu na badea en 1939.
Posguerra La islla espandióse al final de la Segunda Guerra Mundial. En 1953, inauguróse oficialmente na badea Geoffre, Casa Centauru, un albergue conmemorativo de convalecencia y descansu pa enfermeres.
A finales d'avientu de 1971, el ciclón Althea azotó la mariña norte de Queensland, cruciando directamente la Islla Magnética. La isla, xunto con gran parte del continente, quedó afarada: el 90% de les cases resultaron estropiaes o destruyíes; dalgunes a cencielles esprendiéronse de los sos cimientos y fueron refundiaes contra los árboles. La islla, al igual que'l continente, recuperóse llueu.
En xunetu de 2012, una sección de seis hectárees de la islla foi vendida a la Corporación Aborixe Wulgurukaba Yunbenun en réxime de propiedá absoluta y otra sección de 55 hectárees en virtú d'una Escritura de Donación en Fideicomisu.
Referencies
Enllaces esternos
Guía de islla magnética
Categoría:Australia Categoría:islles d'Australia Categoría:Xeografía d'Australia