David Martins de Miranda . foi un pastor evanxélicu pentecostal brasilanu, fundador de la Ileja Pentecostal Deus é Amor (IPDA, lliteralmente n'asturianu "Ilesia Pentecostal Dios ye Amor"), en 1962.
Biografía Fíu del agricultor Roberto Martins de Miranda y de l'ama de casa Anália Miranda, David Miranda treslladóse del Paraná a São Paulo n'abril de 1957, cuando entá yera mozu. Convirtióse al pentecostalismu'l 6 de xunetu de 1958, na Ilesia Cristiana Pentecostal Maraviyes de Xesús, dirixida na dómina pol pastor Leonel Silva.
Hasta finales de la década de 1960, la gran mayoría de les ilesies pentecostales yeren contraries dafechu a la política, al divorciu, a la televisión (la teoría más polémica yera afirmar que la televisión yera la imaxe/oyu electrónicu del diablu), ente otres práutiques. Sicasí, munchos d'estos vezos fueron abolíos y empezaron a aceptase usos más modernos. Disconforme, David Miranda fundó un ministeriu nel barriu de Vila Maria, treslladándose dempués a la parte baxa del barriu Glicério. El nome Ileja Pentecostal Deus é Amor (IPDA), según cuenta na so autobiografía, foi reveláu pol propiu Dios nuna madrugada d'oración.
En 1979, David Miranda adquirió'l terrén que güei acueye la sede mundial de la IPDA, inaugurada'l 1 de xineru de 2004 y denominada Templo da Glória de Deus, nun área de 70.000 metros cuadraos y con capacidá pa 30.000 persones sentaes. Ye'l segundu mayor templu de São Paulo.
Vida privada Casó'l 12 de xunu de 1965 con Ereni Oliveira de Miranda, con quien tuvo cuatro fíos: David Miranda Filho, Daniel Miranda y les cantantes Débora Miranda de Almeida y Léia Miranda.
Muerte David Miranda finó a les 23:45 del 21 de febreru de 2015, a los 78 años, pola mor d'un infartu.. El veloriu celebróse ente'l 22 y el 24 de febreru nel Templo da Glória de Deus y l'enterramientu nel Cementeriu Xardín Horto Florestal, na zona norte de São Paulo.
Referencies
Enllaces esternos