Charles Paulson Ginsburg foi un inxenieru d'Estaos Xuníos y líder d'un equipu d'investigación n'Ampex que desenvolvió unu de los primeros grabadores de cinta de videu prácticos.
Biografía Ginsburg nació'l 27 de xunetu de 1920 en San Francisco, California. A la edá de dos años diagnosticáron-y diabetes tipu 1. Asistió al Lowell High School en San Francisco.
Ginsburg llogró un grau de bachiller na Universidá Estatal de San Jose en 1948. Trabayó como inxenieru na emisora de radio AM KQW (anguaño KCBS). Xunióse a Ampex en 1951 y permaneció ellí hasta la so xubilación en 1986, teniendo'l cargu de Vicepresidente de Teunoloxía Avanzada. L'equipu d'inxeniería que contribuyó a crear el grabador de cinta de videu mientres trabayaba n'Ampex baxo la so direición a principios de 1956 taba formáu por Charles Andersen, Ray Dolby, Shelby Henderson, Fred Pfost y Alex Maxey.
Ginsburg foi escoyíu miembru de l'Academia Nacional d'Inxeniería en 1973, siendo reconocíu pola invención y desenvolvimientu pioneru de la grabación en cinta magnética de videu pa la reproducción inmediata.
Morrió'l 9 d'abril de 1992 n'Eugene (Oregón), de neumonía.
Patentes
Referencies
Enllaces esternos
Categoría:Inventores d'Estaos Xuníos Categoría:Inxenieros ya inxenieres d'Estaos Xuníos Categoría:Persones de San Francisco