Histoire d'habitude (n'asturianu Hestoria d'un vezu) ye un curtiumetraxe documental d'etno-ficción, escritu y dirixíu pol cineasta asturianu Santos Hevia nel añu 2000. Ye la primer parte d'una triloxía que llenda la so obra dientro del Nuevu Cine Asturianu, centrándose nes tradiciones y la decadencia del mundo rural.Histoire d'habitude, Kaos Films
Argumentu El curtiumetraxe narra la historia d'Antón, un llabrador demasiao vieyu pa siguir trabayando na llabranza que vende la casa, la casería y el caballu a una pareya de la contorna: Xuanón y Marise. Too sedría perfecto pa los nuevos propietarios si'l caballu no tuviere los sos testerones vieyos vezos, qu'interfieren na nueva vida de la pareya.
Producción El curtiu foi producíu pola española KAOS FILMS en coproducción coles televisiones belxicanes CARRE NOIR y RTBF. Rodóse n'Asturies en Bermiego, Buelna y Cuerres.
Información complementaria La película, inxerta nel Nuevu Cine Asturianu, forma parte de la triloxía de Santos Hevia, xunto con Vencíu (2008) y La vida de María de Magdala (2010), enfocaes na reflexón sobre la identidá y el mundu rural asturianu.
Reacciones «El director Santos Hevia presenta con ciñu los sos verdes montes bañaos pol sol: dende los anicios de los tiempos, l'home y el caballu vivieron ellí con complicidá total, en perfecha armonía. Nicolas Longeval. Cinergie.be.
«Narrada en voz en off col tonu d'un documental d'esploración mundial, «Una historia de vezos» entama como una película etnográfica pa amosase depués, con delicadeza y procuru, como una encantadora obra de ficción».1. «Histoire d'habitude de Santos Hevia». Cinergie.be.
Premios Premios recibíos«HISTOIRE D'HABITUDE». Kaos Films - Audiovisual Media Designers + Premios y reconocimientos Añu Festival / Certame Categoría Recibe Resultáu 2000 Bruselas (Bélxica) “Iris d'Or” (Meyor curtiumetraxe belxicanu) Histoire d'habitude 2000 Dompierre (Francia) “Meyor Ficción” (Best Fiction) Histoire d'habitude 2000 Locarno (Suiza) “Léopards de demain” (Leopardos del mañana) Histoire d'habitude 2000 Ajijic (Méxicu) “Jury Award; primer premiu” Histoire d'habitude 2000 Média 10/10, Namur (Bélxica) “Prix Meuter-Titra / Révélation jeune talent / Direction photo” Dirección de fotografía 2001 European Jury of Cinematographers “IMAGO” “Award for a young talented Cinematographer” Dirección de fotografía 2001 “Message to Man” (San Petersburgu, Rusia) “Prix de la première œuvre” Histoire d'habitude 2001 Indiekino (Corea) “Best filming Award” Histoire d'habitude
Referencies
Enlaces esternos Hestoria d'un Vezu
Categoría:Cine asturianu