Luna ye un llargumetraxe documental español de 2024 dirixíu pol cineasta y artista visual Pablo Casanueva. La película céntrase na busca y recuperación de la memoria histórica familiar del director, sobre manera na de los sos antepasaos represaliaos tres la Guerra Civil Española y el Franquismu, afitando una ponte interxeneracional per aciu del archivu y el paisaxe.
Argumentu El documental ye una investigación personal de Pablo Casanueva sobre les buelgues y les histories non contaes de la so familia, más en particular la rama de los Luna. El director rastrexa les alcordances de los sos familiares pelos llugares onde fueron represaliaos, incluyendo fronteres, campos y cárceles.«Luna - MUSOC». Consultáu’l 27 d’octubre de 2025. Ente los protagonistes d’esta alcordanza tán la so bisgüela María y so güela Chabela, que buscaron averu en Cataluña, y so tíu güelu Ramón Luna, fusiláu nel cementeriu d’Uviéu.
Casanueva emplega archivos familiares y públicos (documentos ya imáxenes) y la memoria oral pa confrontar la historia familiar y personal. El documental busca que nada de lo que pasó se dea por perdío pa la historia, enllazando la narrativa del archivu col paisaxe d’anguaño. La llingua orixinal del documental ye l’asturianu.
Repartu
Chabela: Güela del director. María: Bisgüela del director. Ramón Luna:Tíu güelu (fusiláu n’Uviéu). Pepe Luna: Familiar exiliáu en Francia. Manuela: Güela del director (que mandó a los fíos pa Francia como neños de la guerra).
Producción y Estrenu El documental estrenóse nel Festival Internacional de Cine de Xixón (FICX) en 2024.«Luna». Pablo Casanueva. Consultáu’l 27 d’octubre de 2025.
Premios y reconocimientos Año Premio/Festival Categoría Nominado/a Resultado Ref. 2024 Festival Internacional de Cine de Gijón (FICX) Sección Oficial Luna Candidata 2025 Muestra de Cine Documental (Universidad de Burgos) Selección oficial Luna Seleccionada Referencies
Enllaces esternos
Luna en FilmAffinity (en español). Tráiler oficial de Luna en [62FICX | Tráiler | Luna]. Luna en Internet Movie Database (en inglés).
Categoría:Cine asturianu