Lojze Peterle , tamién conocíu como Alojz Peterle, ye un políticu eslovenu.
Peterle fi el primer primer ministru d'Eslovenia, que llogró la independencia en 1990 y 1991.
Biografía Nació na parte sudeste de Dolenjska. Estudió na escuela primaria de Novo Mesto. En 1967 ingresó a la Universidá de Llubliana, onde estudió historia y xeografía, y más tarde economía. Mientres los sos años d'estudiante collaboró con un círculu esquierdista cristianu d'intelectuales, na revista "Revija 2000".
Na década de los 80 empezó a trabayar nel Institutu d'Urbanismu de la República Socialista d'Eslovenia. Tiempu dempués participóse en dellos proyectos de cooperación transrexonal dientru de la red de cooperación rexonal "Alpe-Adria".
En 1990 foi nomáu presidente del Partíu Eslovenu Cristianu Demócrata ("Slovenski krščanski demokrati"), y en mayu d'ese mesmu añu foi escoyíu primer ministru d'Eslovenia. Dempués de qu'Eslovenia declaró la so independencia, empezó la guerra d'independencia eslovena (Guerra de los Diez Díes). Peterle, xunto col su estáu, taba n'espera y trabayando les 24 hores del día. Trabayaron en tolos ámbitos, dende la comunicación con países estranxeros hasta les visites de soldaos a los cuarteles xenerales, y abogaron pela vía más diplomática pa resolver l'asuntu.
Peterle tuvo ente los fundadores del partíu Nueva Eslovenia ("Nova Slovenija") depués de la división del Partíu Popular Eslovenu ("Slovenska ljudska stranka").
Nel añu 2007 postulóse como candidatu para Presidente d'Eslovenia, pero perdió ante'l políticu Danilo Türk.
Peterle tamién ye Diputáu al Parllamentu Européu.
Na so mocedá dedicóse a los deportes y al axedrez, y tamién aprobó l'exame de pilotu de planiador. Foi presidente de l'Asociación Eslovena d'Apicultura ("Čebelarska zveza Slovenije") hasta payares de 2005, cuando dimitió por escesu de funciones oficiales.
Fala con fluidez inglés, alemán, francés, rusu, serbiu, croata ya italianu y tamién tien un dominiu pasivu del castellanu.
Bibliografía
Referencies
Enllaces esternos
Categoría:Primeros ministros d'Eslovenia