Aida Marina Quilcué Vives () ye una política , lideresa indíxena y defensora de drechos humanos colombiana del pueblu nasa .
Pertenez al Conseyu Rexonal Indíxena del Cauca (CRIC) y foi conseyera de drechos humanos y paz de la UNESCO. En 2022 foi escoyida al Senáu de la República de Colombia pola Circunscripción Especial Indíxena col aval del Movimientu Alternativu Indíxena y Social (MAIS).
En marzu de 2026 foi anunciada como la fórmula vicepresidencial del candidatu Iván Cepeda pol partíu Pacto Histórico nes elecciones presidenciales de 2026.
Trabayu comuñal A principios de la década de 1990 foi promotora de salú de l'Asociación Indíxena del Cauca (AIC). El so lideralgu consolidóse tres la traxedia de 1994 en Tierradentro, onde un terremotu y un argayu afeutaron gravemente a la so comunidá. Esta catástrofe llevó a una reorganización del so pueblu, momentu nel cual Quilcué entamó'l so llabor como maestra comuñal. La desatención estatal frente a la traxedia motivó a la comunidá a organizase al traviés del Conseyu Rexonal Indíxena del Cauca (CRIC), onde Aida convirtióse na primer muyer representante llegal.
Nel añu 2000 foi coordinadora del programa de salú na AIC y nel Conseyu Rexonal Indíxena del Huila (CRIHU).
Ente los años 2003 y 2009, foi nomada conseyera mayor del Conseyu Rexonal Indíxena del Cauca (CRIC), siendo organizadora de la Minga Indíxena del 2008 na que participaron miles d'indíxenas que colaron a la ciudá de Bogotá en protesta. En dicha movilización finó'l so maríu Edwin Legarda'l día 16 d'avientu nun hospital de Popayán en recibiendo trés tiros de fusil disparaos por soldaos na carretera que comunica a Inzá con Totoró, nel departamentu del Cauca. Mientres el xuiciu y nos años posteriores, Quilcué y la so fía foron víctimes d'amenaces de muerte y atentaos.
Carrera política
Lideralgu indíxena y social La so actividá política anicia nel movimientu social indíxena. Na década de 1990, entamó'l so llabor como promotora de salú na Asociación Indíxena del Cauca (AIC) y como autoridá nel resguardu Piçkwe Tha Fiw.
Ente 2003 y 2006, trabayó nel Conseyu Rexonal Indíxena del Cauca (CRIC), organización de la cual aportaría a ser la primer muyer n'ocupar el cargu de Conseyera Mayor (Representante Llegal). Mientres el so lideralgu en 2008, foi una de les principales figures de la Minga de Resistencia Social y Comuñal, movilización que coló escontra Bogotá pa denunciar la situación de drechos humanos so la política de Seguridá Democrática del entoncies presidente Álvaro Uribe .
Tamién exerció roles de representación nacional ya internacional:
Foi conseyera de la Organización Nacional Indíxena de Colombia (ONIC) ente 2016 y 2020. Desempeñóse como miembru espertu del Foru Permanente pa les Cuestiones Indíxenes de la ONU y asesora de la UNESCO en temes de paz y drechos humanos.
Senadora de la República (2022-2026) Nes eleiciones de 2022, llogró una curul nel Senáu de Colombia pola Circunscripción Especial Indíxena sol aval del partíu MAIS, con más de 45.000 votos. Nel Congresu , integra la Comisión Primera Constitucional y la Comisión de Drechos Humanos. Les sos iniciatives lexislatives incluyeron:
Proyeutos para prevenir y sancionar la violencia y l'acoso políticu escontra les muyeres. Reformes pa la reconocencia del pensamientu social y críticu como base de la educación pa la paz. Defensa de la xusticia transicional y la implementación del Alcuerdu de Paz de 2016.
Candidatura vicepresidencial (2026) El 9 de marzu de 2026, la coalición Pacto Histórico anunció oficialmente a Quilcué como la fórmula vicepresidencial del candidatu presidencial Iván Cepeda para les eleiciones d'esi añu, consolidando la so posición como una de les figures polítiques más relevantes de los movimientos étnicos nel país.
Reconocencies
En 2021 foi ganadora del Premiu Nacional a la Defensa de los Drechos Humanos en Colombia , na categoría Defensa a Toda una Vida, en reconocencia a la so dedicación y lideralgu na promoción y protección de los drechos de los pueblos indíxenes.
Referencies
Enllaces esternos
Categoría:Persones vives Categoría:Muyeres