MOVIMIENTU SKINCARLISTA
Los skincarlistes, tamién llamaos skinetocarlistes o carlistes skinhead, formen un movimientu políticu y contracultural de carácter socialpatriota, tradicionalista y subversivu venceyáu a los ámbitos marxinales y a los sectores ultres de los equipos de fútbol vascos, n'especial la Real Sociedá. Con una estética asemeyada a la del movimientu skinhead nacíu na Inglaterra de los años 60, los sos valores busquen tamién la ruptura col réximen y col status quo contemporaneu, pero apliquen una perspectiva que mece un tresfondu contrarrevolucionariu con una retórica agresiva, brutalista, violenta, rebelde y a vegaes anárquica.
Na so mayor parte, los skincarlistes pertenecen a un estratu de mocedá desocupao, clandestino y radicalizao pola crisis del sistema lliberal-capitalista, que los emburria a una existencia improductiva y lumpenizada dientro de families desectructuraes. Nesi sentíu, el nucleu duru del colectivu formóse a partir de les redes de contactu establecíes ente dellos sectores de la xuventú marxinal pol fútbol y les rutes de clubbing como la ruta del bakalao: estos ultres ya militaben nos espacios reaccionarios, pero acaben por constituíse como movimientu independiente y orixinal cuando asumen la figura de Sixto Enrique de Borbón, nietu del rei Xavier de Borbón Parma, y segundu fíu del so sucesor, Carlos Hugo de Borbón, como elementu aglutinador y identitariu: don Sixto, el SAR como lu llamen, ye pa ellos el referente paternu que nunca nun tuvieron.
Polo tanto, conformen la vanguardia radical y de choque del sector sixtinu del carlismu modernu, oponiéndose a los partidarios de don Carlos Xavier, hermanu mayor de Sixto y depositariu de los derechos dinásticos de la casa Borbón-Parma, pero tamién a los actuales ocupantes de la dignidá real española.
Amás de la tradicional consigna de "Dios, Patria, Rei, Fueros", tamién usen otros glayíos identificativos, como "Gloria al SAR" o la interxección "Oi!". Amás, otra de les sos señes d'intentidá, causada pol so tresfondu kinki, ye la profusión de les faltes d'ortografía nos sos mensaxes.
HISTORIA
Los primeros skinetocarlistes fueron los miembros de les Ipar Brigadakhttps://eu.wikipedia.org/wiki/Ipar_Brigadak, del sector hooligan de la Real Sociedá, y pronto entamaron a crecer gracies al atractivu que suponía la so estética, que combinaba elementos skins, como les botes y les cazadores, con otros como la boina colorada, y por causa tamién de la so actividá y participación na violencia urbana. De les grades vasques pasaron a otros puntos de la xeografía nacional, atrayendo pa consigo a grupúsculos como los Boixos Nois, de forma que ya nun son un movimientu estrictamente eusquéricu.
Sufrieron, por embargu, una gran hostilidá de parte del abertzalismu políticu y de les fuercies de seguridá, pol so racismu y agresividá continua, polo qu'esti crecimientu inicial foi aparando y llegó incluso a revertise. Los fuertes enfrentamientos colos carloshuguistes de la peña Mujika y la escala cada vez mayor de los episodios de violencia foi lo que condergó definitivamente a les Ipar Brigadak, que quedó desarticulada.
El skincarlismu, sicasí, nun desapaeció con ellos, anque pasó delles décades nel anonimatu políticu. Foi precisamente a raíz de la pandemia del Covid-19 cuando los carlistes skinhead fueron quien a recuperar parte de la so fuercia perdía, gracies a los nuevos espacios dixitales de contactu y radicalización. A partir d'entós, nun ficieron más que crecer.
ÚLTIMES ACCIONES
La mayoría d'acciones de los skinetocarlistes nun trascienden a la sociedá xeneral, ya que suelen ser de calter clandestín y tienen como víctima a otros miembros de la sociedá marxinal. También son frecuentes les engarraes con otros miembros del espectru carlista: por exemplu, a raíz de la polémica pola salú de don Sixto rexistráronse altercaos a la salida de misa na Iglesia de Nuestra Señora de la Paz, ente los defensores de la Secretaría de Sixto Enrique de Borbón y los opositores a la mesma, ente los que figuraben los skincarlistes como vanguardiahttps://infovaticana.com/2025/12/16/el-ultimo-pretendiente-carlista-vive-incapacitado-en-un-asilo-tutelado-por-el-estado-frances/.
Por embargu, el nuevu impulsu del movimientu llevólos a tomar más conciencia política y a buscar oxetivos de mayor altura. Nesta llinia, los skincarlistes volvieron a la esfera pública coordinando una acción de repulsa a les obres iniciaes pa la resignificación del Valle de los Caíos.
Asina, la mañana del 8 de xunu del 2026 la maquinaria xeolóxica que desplegaren nel Valle pa entamar los trabayos de la obra alborecióhttps://www.diariodeleon.es/nacional/260609/2087706/aparece-vandalizada-maquinaria-obra-inicia-proyecto-resignificacion-valle-caidos.html destruíohttps://www.lasexta.com/noticias/nacional/valle-toca-vandalizan-maquinaria-obras-resignificacion-cuelgamuros_202606096a28379c9c159d030ffbf61f.html, vandalizaohttps://www.eldebate.com/religion/20260609/aparecen-vandalizadas-maquinas-perforadoras-comenzaron-trabajar-ayer-valle-caidos_426658.html y cubierto de pintaeshttps://www.rtve.es/noticias/20260609/actos-vandalicos-maquinas-obras-resignificacion-valle-cuelgamuros/17106914.shtml alusives a la ideoloxía skincarlistahttps://www.libertaddigital.com/cultura/historia/2026-06-09/la-perforadora-que-llevo-el-gobierno-para-agujerar-el-valle-amanece-salvajemente-saboteada-sanchez-hpp-7418025/#google_vignette, como "El valle no se toca", "Pedro Sánchez HDP", "Arriba Franco", "Viva España" o "Gloria al SAR"https://www.larazon.es/espana/reventada-maquina-sondeos-cuelgamuros_202606096a27cd2644a9ef68251b7e29.html#goog_rewarded. Esta última ya dexa clara l'autoría del actu vandálicu, anque posteriormente los propios núcleos skincarlistes asumieron la responsabilidá. Al mesmu tiempu anunciaron que van siguir na llucha, incluso elevando la escala de violencia, hasta colocar nel tronu a Sixto de Borbón y aplicar los sos idearios ultranacionalistes, racistes y contrarrevolucionarios.
Los monxos benedictinos de l'abadía ya emitieron un comunicáu desmarcándose del accionar violentu d'estos gruposhttps://www.libertaddigital.com/cultura/historia/2026-06-09/los-benedictinos-de-cuelgamuros-condenan-de-manera-rotunda-los-destrozos-en-las-obras-del-gobierno-en-el-valle-7418167/.