Munchos países, al traviés del usu del censu, enumeren les sos poblaciones por llingües y pol so nivel de competencia nel usu d'eses llingües.
Afganistán El paxtu y el persa dari son les llingües oficiales d'Afganistán; el bilingüismu ye mui común. Ambas son llingües indoeuropees de la subfamilia de les llingües iranines. El dari foi siempres la llingua de prestixu y una llingua franca pa la comunicación interétnica, ye la llingua materna de los taxiquistaninos, los hazaras, los aimaks y los kizilbash. El paxtu ye la llingua materna de los paxtunes, anque munchos paxtunes usen de cutiu el dari y dellos non paxtunes falen con fluideza el paxtu.
Otres llingües, incluyendo l'uzbequ, l'árabe, el turcomanu, el baluchi, el paxayi y les llingües nuristanines (ashkunu, kamkata-viri, vasi-vari, tregami y kalasha-ala), son les llingües maternes de grupos minoritarios por tol país y tienen estatus oficial nes rexones onde se falen llargamente. Ente les llingües menores tamién s'atopen el pamiri (shughni, munji, ishkashimi y wakhi), el brahui, el hindko y el kirguís. Un pequeñu porcentaxe d'afganos tamién fala con fluideza l'urdu, l'inglés y otres llingües. IdiomaPorcentaxe averáu del censu Dari50%Paxtu35%Uzbequ y Turcomanu11%30 llingües minoritaries4%
Referencies