Venus Express foi una sonda espacial de l'Axencia Espacial Europea dedicada al estudiu de Venus, especialmente de la so atmósfera y les sos nubes. Foi la primer misión de la ESA dedicada específicamente al planeta.
Foi llanzada'l 9 de payares de 2005 mediante un cohete Soyuz-Fregat dende'l Cosmódromu de Baikonur y entró n'órbita alredor de Venus el 11 d'abril de 2006.
La nave taba basada en gran parte nel diseñu de Mars Express y reutilizaba tecnoloxíes ya instrumentos desarrollaos pa esa misión y pa Rosetta. Llevaba siete instrumentos científicos destinados a estudiar la composición y dinámica de l'atmósfera venusiana, la interacción col vientu solar y les temperatures de la superficie.
Les observaciones de Venus Express permitieron estudiar con detalle la superrotación atmosférica, la estructura de les nubes, la pérdida de gases de l'atmósfera y les variaciones térmiques de la superficie.
Tres más d'ocho años d'operaciones, la nave agotó'l combustible necesario pa controlar la so orientación y órbita en payares de 2014. La misión terminó oficialmente n'avientu de 2014.
Referencies
Enllaces esternos
Categoría:Esploración de Venus Categoría:Sondes espaciales Categoría:Misiones de l'Axencia Espacial Europea Categoría:Naves y artefautos espaciales llanzaos en 2005