La Organización Europea pa la Esplotación de Satélites Meteorolóxicos (EUMETSAT, del inglés European Organisation for the Exploitation of Meteorological Satellites) ye una organización internacional intergubernamental dedicada a la operación de satélites meteorolóxicos europeos y al suministru de datos sobre'l tiempu, el clima y el mediu ambiente.
Creóse en 1986 y tien la sede en Darmstadt, Alemaña. La organización opera sistemes de satélites meteorolóxicos n'órbita xeostacionaria y polar y distribúi los datos obteníos a los servicios meteorolóxicos nacionales y otros usuarios.
Ente los sos principales programes ta Meteosat, desarrolláu en cooperación cola Axencia Espacial Europea. La ESA encárgase principalmente del desenvolvimientu de los nuevos satélites y EUMETSAT de la so esplotación operacional una vez completaes les fases de preparación y puesta en serviciu.
La organización opera les xeneraciones Meteosat Second Generation y Meteosat Third Generation, amás de satélites meteorolóxicos polares europeos y participa en programes internacionales d'observación de los océanos y del clima.
Los datos de los sos satélites utilícense na predicción meteorolóxica, el siguimientu de fenómenos meteorolóxicos severos, la investigación climática y l'observación de los océanos, l'atmósfera y la superficie terrestre.
Ver tamién Meteosat Axencia Espacial Europea Satélite meteorolóxicu
Referencies
Enllaces esternos Páxina oficial d'EUMETSAT
Categoría:Organizaciones meteorolóxiques Categoría:Organizaciones internacionales d'Europa Categoría:Organizaciones fundaes en 1986